Ҷамъбасти фаъолияти шашмоҳаи Кумитаи иҷроияи ҲХДТ дар шаҳри Кӯлоб

Кӯлоб, 14.07.2016. /АМИТ «Ховар»/. Зимни ҷаласаи ҷамъбасти фаъолияти шашмоҳаи Кумитаи иҷроияи Ҳизби халқии демократии Тоҷикистон дар шаҳри Кӯлоб масъалаҳои ҷамъбасти фаъолияти шашмоҳа, тасдиқи ҳайати Ситоди обуна барои соли 2017, тағйирот ба ҳайати Кумитаи иҷроия ва дигар масъалаҳои корӣ мавриди баррасӣ қарор дода шуданд.
Тавре аз Кумитаи иҷроияи ҲХДТ дар шаҳри Кӯлоб хабар доданд, зимни музокира зикр гардид, ки таблиғи корҳои созандагӣ ва бунёдкоронаи Кумитаи иҷроияи ҲХДТ дар шаҳри Кӯлоб, мақомоти болоии ҳизбӣ ва ташкилотҳои ибтидоии ҳизбӣ дар нашрияҳои ҳизбии «Минбари халқ» ва «Ҳамрози халқ» манзур мегардад, ки ин ба рушду нумӯи ҳаёти сиёсӣ, иҷтимоӣ, фарҳангӣ, мафкура ва маънавиёти аҳолӣ таъсири мусбӣ мерасонад. Аз ин лиҳоз, моро зарур аст, ки барои иҷрои ин қарорҳо ва саривақт иҷро шудани нақшаи обуна ба нашриҳои ҳизбӣ тамоми чораҳои заруриро андешем.