Боғҳои фарҳангӣ-фароғатиро ба макони ҳақиқии истироҳати сокинон табдил хоҳанд дод
Душанбе, 07.07.16. /АМИТ «Ховар»/. Вазорати фарҳанги Ҷумҳурии Тоҷикистон барои дар сатҳи баланд ҷашн гирифтани 25-солагии Истиқлолияти давлатӣ ва бо мақсади бунёдкориву ободонӣ, ҳифзи анъанаҳои миллӣ, истифодаи самараноки иқтидор ва имкониятҳои боғҳои фарҳангиву фароғатӣ дар баланд бардоштани сатҳи маънавиёти мардум моҳҳои апрел-августи соли 2016 мусобиқаи ҷумҳуриявии «Соли бунёди боғҳои фарҳангӣ-фароғатиро»-ро баргузор менамояд.
Озмуни мазкур дар ду давр гузаронида шуда, даври аввали он аллакай дар шаҳру навоҳии кишвар шурӯъ гардидааст. Дар назар аст, ки он ба макони ҳақиқии истироҳати сокинони диёр табдил додани боғҳои фарҳангӣ-фароғатӣ ва рангину ғанӣ гардонидани фароғати мардум дар шароити нави иҷтимоию фарҳангӣ мусоидат хоҳад кард.
Даври ниҳоии озмун моҳи августи соли равон дар яке аз боғҳои намунавии фарҳангӣ-фароғатии шаҳри Душанбе ҷамъбаст гардида, ғолибони мусобиқа бо тӯҳфаҳои хотирмони Вазорати фарҳанги кишвар мукофотонида мешаванд.
Дар ин бора ба АМИТ «Ховар» аз маркази матбуоти вазорати мазкур хабар доданд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
