«Хиросима» ба забони тоҷикӣ нашр гардид

Душанбе, 12.07.2016. /АМИТ «Ховар»/. Китоби нависандаи Ҷопон Тоси Марукӣ «Хиросима» бо забони тоҷикӣ нашр гардид.
Тарҷумон Нигор Абдуғаффор баъди сафари 45-рӯза ба Ҷопон ва дидани шаҳрҳои Хиросима ва Нагасакӣ тасмим гирифт, ки асари мазкурро ба хонандагони тоҷик  пешкаш намояд.
«Хиросима» барои кӯдакони синни мактабӣ буда, он ба даҳҳо забонҳои дигари дунё баргардон шудааст. Асари мазкур аз  даҳшати  6-уми августи соли 1945 он  рӯзе, ки амрикоиҳо ба Хиросима бомбаи атомӣ партофта буданд, ҳикоят мекунад.
Қаҳрамонони асосии асар духтарчае бо номи Мии Тян ва волидонаш мебошанд. Мии Тян рӯзи таркиш ҳафтсола буд ва бар асари бомбаи атомӣ қаду қомати ӯ то охири умр мисли ҳафтсолаҳо боқӣ мемонад.