Корҳои фаҳмондадиҳӣ дар байни муҳоҷирони меҳнатӣ ва аъзои оилаи онҳо
Душанбе, 07.07.2016 /АМИТ «Ховар»/. Бо ибтикори бахши Хадамоти муҳоҷират дар ноҳияи Деваштич дар ҳамкорӣ бо мақомоти иҷроияи маҳаллии ҳокимияти давлатӣ ва шӯъбаи Агентии меҳнат ва шуғли аҳолӣ, дар байни муҳоҷирони меҳнатӣ, аъзои оилаи онҳо, шаҳрвандони бекор, занони хонашин ва хонандагони синфҳои болоии мактабҳои таҳсилоти миёнаи умумӣ мунтазам корҳои фаҳмондадиҳӣ гузаронида мешаванд.
Тавре ки мудири бахши Хадамоти муҳоҷират дар ноҳия Санавбар Баҳодурова иттилоъ дод, маъракаи мазкур дар асоси нақшаи алоҳида ба роҳ монда шуда, аз моҳи апрел инҷониб давом дорад. То имрӯз семинарҳои маърифатӣ-иттилоотӣ дар ҷамоатҳои деҳоти Исмоили Сомонӣ, Ваҳдат, деҳаҳои Басманда, Қалъаи Дӯст, Қалъаи Мирзобой, Шоҳон, Хӯҷаҳо ва маркази ноҳия доир гардидаанд. Бояд зикр намуд, ки дар рафти онҳо ба иштирокчиён маводҳои ташвиқотию тарғиботӣ дастрас гардидааст. Семинарҳои маърифатӣ-иттилоотӣ то охири сол давом хоҳанд кард.
Дар ин бора ба мухбири АМИТ «Ховар» аз Раёсати ХМ дар вилояти Суғд иттилоъ доданд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
