Марҳалаи гузариши тобистонаи футболбозон муайян гардид

Душанбе, 4.07.2016 /АМИТ «Ховар»/. Лигаи милли футболи Тоҷикистон марҳалаи тобистонаи гузариши футболбозонро  аз як даста ба дастаи дигар муайян кард. Бошгоҳҳои футболи лигаи олии мамлакат имкон доранд аз 1 то 21 июл футболбозони навро ба ҳайати дастаашон даъват кунанд ва шартномаҳоро ба имзо расонанд.
Оғози марҳалаи дуввум дар Тоҷикистон бо баргузор шудани бозиҳои 1/8- ниҳоии Ҷоми Тоҷикистон, ки 23 ва 24 июл мегузаранд, ба шумор меравад. Дар ҳамин маврид, тавре сомонаи Федератсияи футбол  хабар медиҳад, бозиҳои 1/8-ниҳоӣ бо ширкати дастаҳои «Парвоз» – «Ваҳдат», «Равшан» – «Вахш» и «Канд» – «Барқчӣ аз рӯзи 23 июл ба 24 июл, аз сабаби гузаронидани курсҳои байналмилалии доварон дар шаҳри Душанбе, таҳвил дода шудаанд.
Дастаҳои лигаи якум дар ин маврид дархости худро барои амалӣ шудани тағйирот дар ҳайати дастааашон (1.07-21.07.2016) баррасӣ мекунанд ва баробари анҷом ёфтани марҳалаи аввали мусобиқот дар Лигаи якум (14 .08.2016) онро амалӣ хоҳанд кард. Тавре муайян шудааст, онҳо ҳуқуқ доранд бозингаронеро, ки дар марҳалаи аввал дар ягон даста ҳунарнамоӣ накардаанд, интихоб намоянд.