Мазҳакаи нав дар саҳнаи нави театр
Душанбе, 07.07.16. /АМИТ «Ховар»/. Ба муносибати 25-солагии Истиқлолияти Ҷумҳурии Тоҷикистон барои театри вилоятии ба номи Ато Муҳаммадҷонов дар шаҳри Қӯрғонтеппа бинои нав бунёд гардида истодааст. Бинои нави театр ба талаботи театри замонавӣ ҳам аз ҷиҳати равшаниву садо ва ҳам аз ҷиҳати техникӣ ҷавобгӯ хоҳад буд.
Бинобар иттилои Вазорати фарҳанги ҷумҳурӣ, тибқи нақша бинои нав бояд то 9 сентябр ба истифода дода шавад. Аввалин намоише, ки дар саҳнаи нав пешкаши ҳаводорони театр мегардад, мазҳакаи «Қорӣ ишкамба» хоҳад буд. Аҳли эҷодии театр онро ба муносибати ҷашни Истиқлолият ва инчунин бинои нави театрӣ эҳдои тамошобинон хоҳанд кард.
Мазҳакаи «Қорӣ ишкамба» аз рӯи асари Садриддин Айнӣ «Марги судхӯр» таҳия гардида, коргардони он ҳунарпешаи мардумии Тоҷикистон Бурҳон Раҷабов мебошад.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
