Намоишгоҳи байналмиллалии универсалии «Тоҷикистон- 2016» оғоз гардид
Душанбе, 22.07.2016. /АМИТ «Ховар»/. Бахшида ба 25-умин солгарди Истиқлолияти давлатии Ҷумҳурии Тоҷикистон имрӯз дар МД Кохи Борбад бо ташаббуси Палатаи савдо ва саноати ҷумҳурӣ ва дастгирии Ҳукумати кишвар Намоишгоҳи байналмиллалии универсалии «Тоҷикистон- 2016» ифтитоҳ гардид.
Дар намоишгоҳ ширкатҳои Русия, Қазоқистон, Ӯзбекистон, Чин, Латвия, Лаҳистон, Афғонистон ва Покистон иштирок дошта, молу маҳсулоти худро ба намоиш гузоштанд.
Ҳамчунин дар баробари 70 ширкати кишварҳои ҷаҳон ширкатҳои ватанӣ низ молу маҳсулоти рақобатпазири худро муаррифӣ намуда, пешкаши мизоҷон гардониданд.
Тавре муовини раиси Палатаи савдо ва саноати Ҷумҳурии Тоҷикистон Манзура Рустамова иброз дошт ҳадаф аз ташкил намудани намоишгоҳ кумак намудан ба ширкатҳои ватанӣ дар масъалаи ёфтани мавқеи худ дар бозор, муаррифӣ ва шинос намудани харидорон бо молу маҳсулоти ширкатҳои ватанӣ ва хориҷӣ мебошад.
Манзура Рустамова инчунин иброз дошт, ки рушди соҳаҳои афзалиятноки Ҷумҳурии Тоҷикистон, бахусус рушди истеҳсолот аз ҷониби Ҳукумати Ҷумҳурии Тоҷикистон ҳамчун соҳаҳои афзалиятнок муайян шудааст ва аз ин рӯ гузаронидани ин маърака муҳим ва саривақтӣ мебошад.
Бояд зикр кард, ки имрӯз дар баробари баргузории намоишгоҳ, соати 15:00 дар Кохи Борбад Бизнес-форуми доираҳои соҳибкорони ватанӣ ва хориҷи кишвар баргузор гардид ва барои иштирок дар ин чорабинӣ намояндагони сохторҳои давлатӣ, корпусҳои дипломатӣ ва намояндагони институтҳои молиявии ҷумҳурӣ даъват шудаанд, ки пас аз баргузории бизнес-форум метавонанд, шарикони худро пайдо намоянд.
Намоишгоҳи байналмиллалии универсалии «Тоҷикистон- 2016» аз 22 то 24 июл идома меёбад.
Аз байн бурдани коррупсия омили пешрафти ҳар давлат аст
ҲХДТ ба вакилии Маҷлиси намояндагон дар ҳавзаи интихоботии якмандатии Ҳамадонӣ, №35 номзад пешбарӣ намуд
Имрӯз дар баъзе ноҳияҳои Тоҷикистон туман мефарояд
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
