«Тоҷикистон бахти ман, фархунда тоҷу тахти ман»

Душанбе, 15.07.16. /АМИТ «Ховар»/. Аз 19 то 23 июл дар истироҳатгоҳҳои беруназшаҳрӣ дар ноҳияҳои Варзоб ва Файзобод вохӯриҳои адибон бо мактаббачагон баргузор мегардад.
Тавре ба АМИТ «Ховар» аз маркази матбуоти Вазорати фарҳанги ҶТ хабар доданд, мақсад аз ташкили вохӯриҳо тарбияи ҳисси ватанпарастиву хештаншиносӣ дар ниҳоди толибилмон, ҷалби онҳо ба китобу осори адибон, бархӯрдор намудани онҳо аз осори ниёгон ва шиносоӣ бо адибони давр мебошад.
Вохӯриҳо аз ҷониби Китобхонаи давлатии бачагонаи ҷумҳуриявии ба номи Мирсаид Миршакар дар мавзӯҳои «Китоб  машъали илму дониш», «Тоҷикистон бахти ман, фархунда тоҷу тахти ман!», «Саломатӣ- гавҳари ноёб», «Сулҳу ваҳдат  бахти миллат!» ва «Соҳибҳунаре, ки ботамиз аст» гузаронида мешаванд.