Мусобиқаи ҷумҳуриявӣ: дар шаҳри Ваҳдат оилаи Таваккал Зарипов сазовори ҷойи аввал гардид

Июль 21, 2016 13:58

Ваҳдат, 21.07.2016. /АМИТ «Ховар»/. Мусобиқаи ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ дар шаҳри Ваҳдат ҷамъбаст гардид, ки дар натиҷа оилаи Таваккал Зарипов сокини маҳаллаи Шодмони ҷамоати шаҳраки Нуъмон Розиқ беҳтарин дониста шуд.
Таваккал Зарипов оиладор соҳиби панҷ фарзанди оиладор ва 17 набера мебошад. Фарзандонаш маълумоти олӣ дошта, дар касбу корҳои гуногун фаъолият доранд. Таваккал Зарипов муддати 30 сол дар вазифаҳои гуногуни Вазорати корҳои дохилии Ҷумҳурии Тоҷикистон фаъолият намуда, айни замон нафақахӯр буда, ба соҳибкорӣ машғул аст. Инчунин писаронаш Анварҷон ва Акбарҷон Зариповҳо касби падарро интихоб намуда, айни замон дар мақомоти ҳифзи ҳуқуқи кишвар фаъолият доранд. Савлакат Қурбонова завҷаи Таваккал Зарипов иброз медорад, ки муддати 39 сол аст, зиндагии хушбахтонаи якҷоя доранд ва хушбахтии зиндагиро дар меҳру садоқат, якдигарфаҳмии байни зану шавҳар, тавлиди фарзандони солим ва ҳурмату иззати байни аъзои хонавода медонад. Бо кӯшишу заҳмати Савлакат Қурбонова духтарон ва келинҳояш тибқи анъанаи тоҷикон ҳунарҳои дӯзандагӣ ва пазандагиро аз худ намудаанд.  Писари калонии ин оила Анварҷон Зарипов изҳор дошт, ки муваффақияти ҳар як оила дар тарбияи дурусти фарзандон, маълумотнокии онҳо, иҷрои корҳои хайру савоб, худшиносию ватандӯстӣ, ифтихори миллӣ ва ободонию тозакорӣ таҷассум мегардад, ки падари бузургворамон моро дар ин рӯҳия тарбия намуда, бо шукргузорӣ аз ғамхориву дастгириҳои Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зиндагии хушбахтона дорем.
Орзугул Ҳомидова, муовини раиси ҷамоати шаҳраки Нуъмон Розиқи шаҳри Ваҳдат иброз медорад, ки ҷамоати мазкур дорои 16 маҳалла ва 11 ҳазор аҳолӣ мебошад, ки дар давраи аввали «Мусобиқаи ҷумҳуриявии беҳтарин шаҳр, ноҳия, шаҳрак, ҷамоат, деҳа, маҳалла, хона ва оилаи намунавӣ» оилаҳои ҳудуди ҷамоат пурра иштирок намуданд. Мутобиқи шартҳои ин мусобиқаи ҷумҳуриявӣ оилаи Таваккал Зарипов сазовори ҷойи аввал дониста шуд ва ба даври шаҳрӣ пешниҳод гардид. Хушбахтона, дар даври шаҳрӣ ғолиби ҷойи аввал гардид ва дар рӯзи иди Ваҳдати миллӣ бо туҳфаҳои хотиравӣ ва ифтихорномаи раиси шаҳр қадрдонӣ шуд.
Дар «Мусобиқаи ҷумҳуриявии беҳтарин шаҳр, ноҳия, шаҳрак, ҷамоат, деҳа, маҳалла, хона ва оилаи намунавӣ» ғолиб омадани оилаи Таваккал Зарипов дар маърифатнокӣ, маданияти баланди оиладорӣ, дастгирии оилаҳои ниёзманд ва иштирок дар корҳои ҷамъиятӣ ва чорабиниҳои сиёсӣ мебошад.

Июль 21, 2016 13:58

Хабарҳои дигари ин бахш

Шерализода ва Катрин дар Никосия масъалаҳои марбут ба экологияро баррасӣ намуданд
«ДИГАРГУНШАВИИ САЙЁРА». Ҳайати Тоҷикистон дар Конфронси 9-уми вазирони муҳити зист дар Никосия иштирок дорад
Ҳайати Тоҷикистон дар Конфронси минтақавии иттифоқҳои касабаи Осиёи Марказӣ иштирок дорад
Дар Хадамоти гумрук татбиқи лоиҳаи низоми «АСИКУДА» ба таври расмӣ оғоз ёфт
ЯРМАРКАИ БАЙНАЛМИЛАЛИИ «SLOW FOOD». Захираҳои табиӣ ва экологии Тоҷикистон дар он муаррифӣ ва тарғиб шуданд
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
АЗ ҚАБУЛИ ҚОНУН «ДАР БОРАИ ЗАБОНИ ДАВЛАТӢ» 13 СОЛ ПУР ШУД. Дар Тоҷикистон Рӯзи забони давлатӣ таҷлил гардид
Олимҷон Муҳаммадҷонзода : Таъсиси нахустин маҷаллаи «Забон ва истилоҳот» дар рушду густариши забони давлатӣ саҳм мегузорад
«ЗАБОНИ МИЛЛАТ-ҲАСТИИ МИЛЛАТ». Дар Агентии хизмати давлатӣ ҷамъомади тантанавӣ баргузор гардид
ОБУ ҲАВО: Имрӯз дар Тоҷикистон ҳаво рӯзона то 30 дараҷа гарм мешавад
ОБУ ҲАВО: Имрӯз дарТоҷикистон ҳавои тағйирёбанда дар назар аст
30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд

Хабарҳои муҳимтарин