Шиносоии Президент бо рафти корҳои сохтмонӣ дар бӯстонсарои беруназшаҳрии Ҳукумати Ҷумҳурии Тоҷикистон
Душанбе, 06.08.2016. /АМИТ «Ховар»/. Нимаи дуюми рӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба бӯстонсарои беруназшаҳрии Ҳукумати Ҷумҳурии Тоҷикистон воқеъ дар мавзеъи Пуғуси ноҳияи Варзоб ташриф оварда, бо рафти корҳои ободонӣ шинос шуд.
Дар ин ҷо Сарвари давлат Эмомалӣ Раҳмон рафти сохтмони бинои баландошёнаи муосирро, ки бо тарҳи зебои меъмории миллӣ бунёд мегардад, мушоҳида кард.
Зимни шиносоӣ Президенти мамлакат Эмомалӣ Раҳмон ба сохтмончиён, меъморон ва устоҳои гулдаст барои дар сари вақт ва бо сифати баланд ба анҷом расондани корҳо дастуру супоришҳо дод. Таъкид гардид, ки дар вақти бунёди иншооти мазкур ба масъалаи бо зеботарин усулҳои меъмории бостонию муосир, ба мисли кандакории нақшу нигори назаррабо дар рӯйи чӯб, гач, санг, шиша ва ҳам ойина оро додани бино диққати махсус дода шавад.
Мавриди зикр аст, ки ин бинои боҳашамат барои баргузории чорабиниҳои сатҳи баланд ва қабули меҳмонони воломақом, сарони давлатҳо ва ҳукуматҳои кишварҳои хориҷ истифода карда мешавад.
Бо шарофати истиқлолияту ваҳдати пойдор ва сиёсати неку созандаи Президенти мамлакат Эмомалӣ Раҳмон Тоҷикистон ба макони баргузории чорабиниҳои сатҳи байналмилалӣ мубаддал гардид. Барои пазироии самимии меҳмонони воломақом бошад, бо дастури Сарвари давлат иншооти гуногуни хизматрасонӣ инъикоскунандаи санъати баланди меъмории миллӣ, фарҳангу маданияти бою қадимаи тоҷикон, аз ҷумла меҳмонхона, бӯстонсаро, чойхонаҳои миллӣ ва дигар биноҳои хуштарҳ бунёд карда шуд.
Бӯстонсарои Пуғус, ки борҳо макони баргузории ҳамоишҳои бузурги ҷаҳонӣ гардидааст, бо ташаббусҳои Сарвари давлат Эмомалӣ Раҳмон ба як макони дилфиребу хушманзар табдил ёфтааст.
Иморатҳои хуштарҳи бо нақшу нигори миллӣ ороёфта, гулгаштҳои зебо ва аз ҳама асос боду ҳавои фораму дарёи софи Варзоб ба ин макон ҳусни тоза зам кардааст.
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои нави маъмурӣ ва хобгоҳро дар қисми ҳарбии 3503-и Қӯшунҳои дохилии Вазорати корҳои дохилӣ ифтитоҳ намуданд
Сарвари давлат Эмомалӣ Раҳмон дар шаҳри Бохтар бинои иловагии таълимии Коллеҷи тиббии инноватсиониро мавриди истифода қарор доданд
Пешвои миллат Эмомалӣ Раҳмон дар шаҳри Бохтар бинои хобгоҳи донишҷӯёни Донишгоҳи давлатии Бохтар ба номи Носири Хусравро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ як иншооти соҳаи маориф ва як корхонаи саноатиро дар минтақаи саноатии шаҳри Левакант ифтитоҳ намуданд
Сарвари давлат Эмомалӣ Раҳмон дар шаҳри Бохтар Муассисаи таҳсилоти миёнаи умумии №17-ро ифтитоҳ намуданд
Пешвои миллат Эмомалӣ Раҳмон дар шаҳри Бохтар бо 100 кас аз ғолибони озмунҳои ҷумҳуриявӣ, олимпиадаҳои фаннию байналмилалӣ ва ятимони кулл аз шаҳру ноҳияҳои вилояти Хатлон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Бохтар бинои баландошёнаи истиқоматии хайриявии Эҳсонро бо маркази савдо ва хизматрасонӣ ба истифода доданд
Сарвари давлат Эмомалӣ Раҳмон дар шаҳри Бохтар ҶДММ «Шифобахши Аср»-ро ба истифода доданд
Президенти Ҷумҳурии Тоҷикистон Эмомалӣ Раҳмон 7 муассисаи соҳаи маорифро ба таври фосилавӣ ифтитоҳ намуда, бо лоиҳаҳои бунёди 4 муассисаи соҳаи маориф ва 1 иншооти соҳаи варзиш шинос шуданд
Пешвои миллат Эмомалӣ Раҳмон дар шаҳри Бохтар бинои Муассисаи таҳсилоти томактабии хусусӣ ва маркази инкишофи кӯдакро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Ҷалолидини Балхӣ ба фаъолияти Корхонаи макарони «Руми Паста» оғоз бахшиданд
Сарвари давлат Эмомалӣ Раҳмон дар ноҳияи Ҷалолиддини Балхӣ корхонаи орди ба номи Маҷид Ҳафизовро ифтитоҳ намуданд
