Ҷамъомади идона бахшида ба 25-солагии Истиқлолияти Тоҷикистон дар Агентии суғуртаи иҷтимоӣ ва нафақа

Душанбе, 09.09.2016. /АМИТ «Ховар»/. «Мардуми Тоҷикистон бо роҳбарии Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  бо дарки масъулиятшиносӣ дар бунёди ҷомеаи демократию ҳуқуқбунёд ва адолатпарвар беш аз пеш ба комёбию дастовардҳои назаррас ноил гардида истодааст»,- зикр кард  директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Сафаралӣ  Наҷмуддинов дар ҷамъомади  идона бахшида ба  25-солагии Истиқлолияти давлатии Ҷумҳурии Тоҷикистон.
Воқеан ҳам натиҷаи дастовардҳои даврони истиқлолият дар рушду соҳаҳои иқтисодиёи мамлакат буд, ки аз соли 2001 то инҷониб музди меҳнат, нафақа, стипендия ва кумакпулиҳои гуногун зиёда аз 10 маротиба зиёд карда шуд. Соли равон  аз 1 июл музди меҳнат ва нафақа ва стипендияи донишҷӯён ба ҳисоби миёна то 20 фоиз зиёд карда шуд.
Дар ҷамъомад барои фаъолияти хуби корӣ дар татбиқи сиёсати иҷтимоии кишвар як гурӯҳ кормандони  дастгоҳи марказӣ, раёсат ва шуъбаҳои  вилоятӣ, шаҳрӣ ва ноҳиявии Агентӣ бо ифтихорнома  ва  раҳматномаҳо сарфароз гардиданд.