Дар телевизиони Миср дар бораи Тоҷикистон барномаи махсус намоиш дода шуд
Душанбе, 14.09.2016. /АМИТ «Ховар»/. Ба муносибати ҷашни 25-умин солгарди Истиқлолияти Ҷумҳурии Тоҷикистон 10 сентябри соли равон дар шабакаи телевизионии мисрии Nile TV барномаи махсуси фарҳангӣ дар бораи Тоҷикистон намоиш дода шуд, ки муҳтавои он дар ҳамкорӣ бо Сафорати Тоҷикистон дар Миср таҳия гардид. Барнома 2 соату 25 дақиқа идома ёфт.
Дар барномаи мазкур шаҳрвандони тоҷики муқими Миср аз ҷумлаи коршиносон ва донишҷӯён, инчунин пажӯҳишгарони мисрӣ ширкат намуданд. Барнома ба таърих, забон, фарҳангу анъанаҳои халқи тоҷик ва инчунин табиат, иқтисод, захираҳои табиӣ, саноат, кишоварзӣ, сайёҳӣ ва имкониятҳои сармоягузории Тоҷикистон бахшида шуд.
Ҳангоми баррасии мавзӯи таърих ва фарҳанги халқи тоҷик нусхаи арабии китоби Президенти Ҷумҳурии Тоҷикистон Эмомалӣ Раҳмон «Тоҷикон дар оинаи таърих» ҳамчун манбаи арзишманди омӯзиши таърихи халқи тоҷик ва нусхаи арабии китоби мусаввари «Ганҷинаи тиллоии тоҷикон» ба намоиш гузошта шуданд.
Дар байни суҳбатҳои меҳмонони барнома филмҳои тарғибӣ дар бораи Тоҷикистон, ки онҳоро Сафорат дар ихтиёри шабакаи Nile TV гузошта буд, намоиш дода шуданд. Филми мазкурро ба пуррагӣ метавон дар Youtube тамошо намуд (https://youtu.be/RnD-RMmgi8k).
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
Дар ноҳияи Данғара нақшаи ҷамъоварии пахта 100 фоиз иҷро гардид
Дар ноҳияи Деваштич иншооти гуногуни иҷтимоӣ ба истифода дода шуданд
Дар Академияи идоракунии давлатӣ оид ба нақши Конститутсия дар таъмини баробарии гендерӣ ҳамоиш доир шуд
