Дастаи мунтахаби футболи Тоҷикистон дар бозии дӯстона ноком шуд
Душанбе, 15.09.2016./АМИТ «Ховар»/. Дирӯз дастаи мунтахаби футболи ҷавонони то 19-солаи Тоҷикистон дар бозии дӯстона аз тими Амороти Муттаҳидаи Араб бо ҳисоби 0:3 шикаст хӯрд. Ин бозии дӯстона дар доираи омодагии дастаи мунтахаби ҷавонони Тоҷикистон ба мусобиқоти қаҳрамонии Осиё-2016 байни бозигарони то 19-сола дар шаҳри Дубай баргузор шуд. Бозии ҷавобии дӯстона миёни дастаҳои мунтахаби ҷавонони Амороти Муттаҳидаи Араб ва Тоҷикистон 16 сентябр дар Дубай баргузор мешавад.
Ёдовар мешавем, ки мусобиқоти қаҳрамонии футболи Осиё-2016 миёни бозингарони то 19-сола аз 13 то 30 октябри соли равон дар шаҳри Манамаи Баҳрайн сурат мегиранд. Дастаи мунтахаби ҷавонони Тоҷикистон аввалин бозиро дар ин мусобиқот бо тими Узбекистон анҷом медиҳад. Бозии даври аввали гурӯҳи D 15 октябр дар варзишгоҳи «Халифа Спорт Сити»-и шаҳри Манама барпо мегардад. Футболбозони ҷавони тоҷик дар даври дуюм рӯзи 18 октябр бо дастаи мунтахаби ҷавонони Чин рақобат мекунанд. Ин бозӣ дар Варзишгоҳи миллии Баҳрайн баргузор мешавад.
Бозии ниҳоии дастаи мунтахаби ҷавонони Тоҷикистон 21 октябр дар Варзишгоҳи миллии Баҳрайн бо тими Австралия доир хоҳад шуд.
Бахшида ба Рӯзи кормандони мақомоти гумрук дар Донишгоҳи давлатии молия ва иқтисоди Тоҷикистон ҳамоиш доир шуд
Дар ноҳияи Бобоҷон Ғафуров оид ба чораҳои бехатарии радиатсионӣ машварат баргузор шуд
Алоқаи боэътимод барои бонки рақамӣ
Имрӯз дар Тоҷикистон барф меборад
ЗАХИРАҲОИ ГИДРОЭНЕРГЕТИКӢ. Дар ҳошияи Паёми Президенти Тоҷикистон ба Маҷлиси Олӣ
Соли 2025 дар ноҳияи Фирдавсӣ 25 ташкилоти Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон барф меборад
«МАКТАБИ МОДАРОН». Дар Ёвон духтарон таҷриба омӯхта, ба ҳаёти мустақилона омода мешаванд
22 январ дар Тоҷикистон ҳарорати ҳаво паст шуда, бориши барф пешгӯӣ мешавад
ИСТИҚЛОЛИ ДАВЛАТӢ, СУБОТИ СИЁСӢ ВА АМНИЯТИ МИЛЛИИ ТОҶИКИСТОНРО ҲИФЗ БОЯД КАРД. Дар ҳошияи Паёми Президенти Тоҷикистон ба Маҷлиси Олӣ
Имрӯз дар Тоҷикистон ҳавои тағйирёбандаи бебориш пешгӯӣ мешавад
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
