Ифтитоҳи Корхонаи равғанбарории ҶДММ «Спитамен Ойл» дар ноҳияи Спитамен

Сентябрь 13, 2016 08:21

Душанбе, 13.09.2016 /АМИТ «Ховар»/.  Дар рӯзи сеюми сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нахуст дар расми мавриди баҳрабардорӣ қарор додани Корхонаи равғанбарории ҶДММ «Спитамен Ойл» дар ноҳияи Спитамен иштирок намуданд.

Сарвари давлат муҳтарам Эмомалӣ Раҳмон бо буридани лента ва пахши тугма расман ба фаъолияти ин корхонаи муҳими саноатӣ оғоз  бахшида  ифтитоҳи онро руйдоди фараҳбахш дар рӯзҳои таҷлили ҷашни 25-солагии Истиқлолияти давлатии Ҷумҳурии Тоҷикистон арзёбӣ намуданд.

Корҳои сохтмонӣ дар Ҷамъияти дорои масъулияташ маҳдуди «Спитамен Ойл» соли 2010 дар минтақаи саноатии Ҷамоати шаҳраки Навкати ноҳия дар асоси шартнома бо ширкати «Кушо» оғоз шуда  дар остонаи таҷлил аз ҷашни 25-солагии Истиқлолияти давлатии Ҷумҳурии Тоҷикистон анҷом ёфтааст.

Кори истеҳсолот дар коргоҳҳои алоҳида ҷараён гирифта аз марҳилаҳои фишордиҳӣ, ҷабидан, доғкунӣ ва бастабандӣ иборат мебошад.

Корхона дорои ду деги бухорӣ ва дегхонаи равғангармкунӣ бо иқтидори 2 млн килокалория дар як соат буда, ҳамчунин анбори захираи ашёи хом барои 12 ҳазор тонна, анборҳои равғани нимтайёр ва тоза барои 150 тонна, инчунин анбори хӯроки чорвою паранда  барои 1000 тонна  дорад.

Тавре иттилоъ дода шуд, дар  ҶДММ «Спитамен Ойл» асосан  коркарди тухмии  техникӣ аз ҳисоби маҳсулоти кишоварзӣ роҳандозӣ шуда барои бунёди он 32 миллион сомонӣ харҷ шудааст. Пешвои миллат муҳтарам Эмомалӣ Раҳмон дар коргоҳҳои алоҳида бо рафти истеҳсолот бевосита шинос шуда   бунёди ин корхонаи саноатиро иқдоми муҳим ва саривақтӣ дар коркарди ашёи хоми маҳаллӣ, иштироки фаъол дар татбиқи Барномаи парандапарварӣ  ва саҳмгузории бузург  дар паст кардани шиддати воридоти маҳсулот аз хориҷи мамлакат арзёбӣ карданд ва барои истеҳсоли маҳсулоти хушсифат ва ҷавобгӯй ба талабот масъулини соҳаро вазифадор намуданд.

Дар  ин корхонаи бузурги саноатӣ  минтақаҳои алоҳидаи истеҳсолӣ  амал мекунанд, ки аз минтақаҳои истеҳсоли равған ва хӯроки чорво бо иқтидори коркарди 46 ҳазор тонна донагиҳои равғандор аз қабили лубиё, дони офтопараст, пунбадона ва зағир дар як сол, минтақаи истеҳсоли равғани хушсифат ва бебӯй бо иқтидори солонаи 32 ҳазор тонна, минтақаи бастабандии маҳсулоти тайёр дар зарфҳои ғунҷоиши 1,2,3,5 ва 20 литра, минтақаи истеҳсоли хӯроки омехтаи чорвою паранда ва моҳӣ  дар ҳаҷми 25 тонна дар як соат  ва минтақаи истеҳсоли резагандуму  сабус бо коркарди ниҳоии 200 тонна гандум дар як рӯз ва истеҳсоли 44 тонна сабусу  10 тонна гандумреза дар як соат иборат мебошад.

Дар маҷмуъ иқдоми бунёди ин корхона, ки бо коркарди ашёи хоми маҳаллӣ ҳаммаром якчанд маҳсулоти зарурӣ истеҳсол  менамояд, дар миёни кишварҳои минтақа аз таҷрибаҳои нахустин ва беназир ба ҳисоб рафта дар он то 155 нафар бо ҷойи кор ва музди маоши хуб таъмин мегарданд.

Сентябрь 13, 2016 08:21

Хабарҳои дигари ин бахш

Президенти мамлакат Эмомалӣ Раҳмон бинои шуъбаи «Муҳофиза»-и ВКД дар ноҳияи Данғараро ба истифода супориданд
Пешвои миллат Эмомалӣ Раҳмон майдони варзиширо дар деҳоти Исмат Шарифи ноҳияи Данғара мавриди истифода қарор доданд
Президенти мамлакат Эмомалӣ Раҳмон бинои иловагии Муассисаи таҳсилоти миёнаи умумии рақами 8-ро дар ноҳияи Данғара мавриди баҳрабардорӣ қарор доданд
Сарвари давлат Эмомалӣ Раҳмон аз Намоиши ҳунарҳои мардумӣ ва маҳсулоти кишоварзӣ дар ноҳияи Данғара дидан намуданд
Президенти мамлакат Эмомалӣ Раҳмон Маркази фарҳангиро дар деҳаи Хуррамзамини деҳоти ба номи Исмат Шарифи ноҳияи Данғара ифтитоҳ намуданд
Пешвои миллат Эмомалӣ Раҳмон бинои маъмурии деҳоти ба номи Исмат Шарифро дар ноҳияи Данғара мавриди истифода қарор доданд
Президенти мамлакат Эмомалӣ Раҳмон Боғи Парчами давлатиро дар маркази деҳоти ба номи «Исмат Шариф»-и ноҳияи Данғара мавриди истифода қарор доданд
Сарвари давлат Эмомалӣ Раҳмон корхонаи коркарди ширро дар деҳаи Хуррамзамини ноҳияи Данғара ифтитоҳ намуданд
Пешвои миллат Эмомалӣ Раҳмон ба корҳои сохтмонӣ дар роҳи мошингарди «Данғара-Оқмазор» оғоз бахшиданд
Сарвари давлат Эмомалӣ Раҳмон бинои Раёсати Агентии суғуртаи иҷтимоӣ ва нафақаро дар ноҳияи Данғара мавриди истифода қарор доданд
Президенти мамлакат Эмомалӣ Раҳмон Муассисаи давлатии таълимии «Коллеҷи оташнишонӣ-техникӣ»-и Вазорати корҳои дохилӣ дар ноҳияи Данғараро ба истифода супориданд
Пешвои миллат Эмомалӣ Раҳмон бо роҳбарону фаъолони ноҳияи Темурмалик мулоқот намуданд