Ифтитоҳи Муассисаи нави таълимии ғайридавлатӣ барои хонандагони болаёқат дар ноҳияи Спитамен
Душанбе, 13.09.2016 /АМИТ «Ховар»/. Худи ҳамин рӯз Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳияи Спитамен — шаҳраки Навкат бо буридани лентаи рамзӣ дар вазъияти тантанавӣ ба фаъолияти Муассисаи нави таълимии ғайридавлатӣ барои хонандагони болаёқат оғози расмӣ бахшиданд.
Пешвои миллат бо шароиту имконоти муосири таълиму тарбия дар ин муассисаи навбунёд шинос шуда, бо хонандагон суҳбати озоду самимӣ анҷом доданд.
Аснои шиносоӣ ба Сарвари давлат муҳтарам Эмомалӣ Раҳмон иттилоъ доданд, ки баъди мавриди баҳрабардорӣ қарор гирифтани мактаби мазкур дар як баст то 500 хонанда ба таҳсил фаро гирифта мешаванд.
Мактаб аз ҷониби соҳибкори маҳаллӣ Анвар Эшонқулов бунёд гардида барои хонандагони болаёқат пешбинӣ шудааст.
Пешвои миллат ба хонандагони ин муассисаи таълимӣ маҷмӯи асбобҳои мусиқӣ тӯҳфа намуданд, ки аз ҷониби онҳо бо як хушнудиву сипоси бепоён пазируфта шуд.
Корҳои сохтмонӣ дар ин иншоот соли 2014 оғоз гардида, дар ду сол бо сифати баланд ва бо харҷи 6,5 миллион сомонӣ анҷом дода шудааст.
Муассисаи таълимии ғайридавлатӣ барои хонандагони болаёқат аз ду ошёна иборат буда, 25 синфхона аз ҷумла 4 кабинети фаннӣ, кабинетҳои физика, химия, биология, технологияи компютерӣ ва тахтаҳои синфии электронӣ дорад.
Дар доираи дастуру супоришҳои Пешвои миллат дар муассисаи таълимӣ бо мақсади эҳёи ҳунарҳои миллӣ, аз қабили қолинбофии дастӣ ва адрасу сӯзанӣ маҳфили адрас ва қолинбофии дастӣ амал мекунад. Барои аъзоёни ин маҳфили ҳунаромӯзӣ тамоми шароит фароҳам оварда шуда дар як вақт то 13 нафар метавонанд дар ин ҷо ҳунарҳои мардумиро аз худ намоянд.
Мактаб дорои маҷлисгоҳи барҳаво, ошхона барои 100 нафар ва китобхона бо 45 ҷойи нишаст буда дар ошёнаи дуюми он 8 ҳуҷраи хоб барои 50 хонанда, ки аз минтақаҳои дурдаст ба таҳсил фаро гирифта мешаванд, омода карда шудааст.
Ҳамзамон ҷиҳати ҷалби хонандагон ба варзиш ва дастрасии онҳо ба хизматрасонии тиббӣ дар муассисаи нав толори замонавии варзишӣ барои 200 ҷойи нишаст ва ҳуҷраи тиббии муҷаҳаз бо пешрафтатарин таҷҳизот бунёд гардидааст.
Тибқи маълумоти муассисони мактаб барои 1 воҳиди кории омӯзгорӣ бо тахассуси олӣ 1600 сомонӣ маош пардохт карда хоҳад шуд.
Сарвари давлат Эмомалӣ Раҳмон дар ноҳияи Ҷалолиддини Балхӣ бо фаъолияти Кооперативи тиҷоратии «Турахон Исанқулов» шинос шуданд
Пешвои миллат Эмомалӣ Раҳмон дар маркази ноҳияи Ҷалолиддини Балхӣ бинои иловагии Муассисаи давлатии таҳсилоти томактабии № 6-ро мавриди истифода қарор доданд
Президенти Тоҷикистон Эмомалӣ Раҳмон дар ноҳияи Ҷалолиддини Балхӣ бинои Шуъбаи таваллуди Беморхонаи марказиро мавриди истифода қарор доданд
Сарвари давлат Эмомалӣ Раҳмон бинои нави Мактаби санъати ноҳияи Ҷалолиддини Балхиро ифтитоҳ намуданд
Пешвои миллат Эмомалӣ Раҳмон дар шаҳри Бохтар Корхонаи истеҳсоли гугирди ҶДММ «Расули Валӣ»-ро ба истифода доданд
Президенти Тоҷикистон Эмомалӣ Раҳмон дар шаҳри Бохтар корхонаи истеҳсоли бомпӯшҳои тунукагӣ ва сардхонаро мавриди истифода қарор доданд
Сарвари давлат Эмомалӣ Раҳмон дар шаҳри Бохтар Маркази касбомӯзӣ ва хизматрасониро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Бохтар бинои маъмурии сарраёсати Агентии омори назди Президенти Ҷумҳурии Тоҷикистон дар вилояти Хатлонро ба истифода доданд
Президенти Тоҷикистон Эмомалӣ Раҳмон дар деҳаи Механизатори ноҳияи Кӯшониён Муассисаи таҳсилоти миёнаи умумии № 70-ро мавриди истифода қарор доданд
Сарвари давлат Эмомалӣ Раҳмон дар ноҳияи Кӯшониён бинои Муассисаи таҳсилоти томактабиро мавриди истифода қарор доданд
Пешвои миллат Эмомалӣ Раҳмон дар шаҳраки Бустонқалъаи ноҳияи Кӯшониён Маркази ташхисию табобатӣ ва барқарорсозии бемориҳои асабро мавриди баҳрабардорӣ қарор доданд
Президенти Тоҷикистон Эмомалӣ Раҳмон дар ноҳияи Кӯшониён корхонаи истеҳсоли мототсиклҳои дучарха ва сечархаҳои гуногуни ҶДММ «Вахш Саноат»-ро ба истифода доданд
