Муфтии мавсими Ҳаҷ-2016 барои ибодати бехалали ҳоҷиён талош дорад

Макка, 07.09.2016. /АМИТ «Ховар»/. Муфтии мавсими Ҳаҷ-2016 Ҷамолиддин Хомӯшов мегӯяд, ҳамарӯза ҳоҷиёни тоҷик бо суолҳои шариатии зиёд вобаста ба маносики ҳаҷ ба бахши муфтии мавсим муроҷиат менамоянд. Хомӯшов мегӯяд, 6-уми сентябр бо 1600 нафар ҳоҷиёни шаҳру ноҳияҳои вилояти Суғд ва ноҳияи Рӯдакӣ доир ба маносики ҳаҷ мулоқот намуданд. «Аввалан, вобаста ба ҳаҷ маълумоти пурра додем. Суолҳо низ буданд. Танҳо имрӯз ҳоҷиён бо ҳудуди сад суол муроҷиат намуданд».
Хомӯшов илова кард, ки бахши муфтии мавсими ҳаҷ ҳама талошҳои худро ба харҷ хоҳад дод, то ҳоҷиён бидуни иштибоҳоти шаръӣ маносики умра ва ҳаҷро ба анҷом расонанд.
Гуфта шуд, ҳамарӯза чунин мулоқотҳо бо гурӯҳҳои дигар ҳоҷиёни тоҷик низ гузаронида мешавад.
Дар ин бора ба АМИТ «Ховар» сухангӯи Кумитаи оид ба корҳои дини назди Ҳукумати Ҷумҳурии Тоҷикистон Афшини Муқим аз шаҳри Маккаи мукаррама хабар дод.