Натиҷаҳои рақобатҳои футболи Ҷоми ҷаҳон- 2018 дар Осиё

Сентябрь 2, 2016 11:51

Душанбе, 2.09.2016 /АМИТ «Ховар»/. Тимҳои миллии футболи кишварҳои Осиё дар марҳалаи ниҳоии муқаддамотии Ҷоми ҷаҳон- 2018, ки дар кишвари Русия баргузор мешавад, аввалин вохӯриҳояшонро ба анҷом расониданд. Аввалин шуда аз гурӯҳи дуввум тими мунтахаби Австралия, ки бо дастаи мунтахаби Тоҷикистон дар як гурӯҳ қарор дошт, тими мунтахаби Ироқро дар майдонаш бо ҳисоби 2:0 мағлуб кард.
Дастаи мунтахаби Амороти Мутаҳидаи Араб ғайричашмдошти коршиносони футбол дар меҳмонии тими мунтахаби Ҷопон бо натиҷаи 2 бар 1 соҳибони майдонро шикаст дод. Арабистони Саудӣ тими миллии Таиландро ба ҳузур пазируфт ва бо ягона голи задаи Навоф Обид аз ҷазои 11 метра бо ҳисоби 1:0 шаҳди ғалаба чашид.
Дар гурӯҳи аввал тими мунтахаби Эрон дар майдонаш бо тими мунтахаби Қатар то дақиқаҳои иловагӣ натиҷаи мусовии 0:0-ро дар ихтиёр дошт, аммо дар вақти изофашуда эрониҳо тавонистанд бо имзои Ризо Қучоннажод(94) ва Алиризо Ҷаҳонбахш(96) ду голро ба самар расонида, дар маҷмӯъ бо натиҷаи 2:0 дастболо шаванд.
Дар ин рӯз тими мунтахаби Узбекистон бар Сурия бо ҳисоби 1:0 пирӯз гардид ва дар ин гурӯҳ Кореяи ҷанубӣ дар бозии сергол бо дастаи мунтахаби Чин бо ҳисоби 3:2 зафар ёфт.
Ёдовар мешавем, ки рақобатҳои муқаддамотии Ҷоми ҷаҳон дар минтақаи Осиё бо ҳузури 12 тим дар ду гурӯҳ ба сурати даврӣ баргузор мешаванд. Дар натиҷа аз ҳар гурӯҳ ду тим(дар маҷмӯъ 4 тим) ба сурати мустақим роҳхати Ҷоми ҷаҳони Русия -2018-ро ба даст меоранд. Тимҳои саввуми гурӯҳҳо низ дар дидори плей-офф бо ҳам қувва месанҷанд.

Сентябрь 2, 2016 11:51

Хабарҳои дигари ин бахш

Дар Тоҷикистон беш аз 1,9 миллион либоси мактабӣ истеҳсол карда шудааст
ОМОДАГӢ БА СОЛИ НАВИ ТАҲСИЛ. Дар Гулистон давраи мутобиқшавии хонандагони синфи якум идома дорад
Имрӯз дар водиҳои Тоҷикистон ҳаво то 39 дараҷа гарм мешавад
Дар Ҳисор ба кӯдакону наврасони ятим либоси мактабӣ ва ашёи хониш тақдим гардид
Имрӯз дар шаҳри Душанбе ҳаво то 37 дараҷа гарм мешавад
Имрӯз дар водиҳои Тоҷикистон ҳаво то 37 дараҷа гарм мешавад
Дар пиряхҳои Помири Шарқӣ ва Марказӣ таҳқиқоти илмӣ-саҳроӣ гузаронида шуд
Имрӯз дар ноҳияҳои кӯҳии Тоҷикистон эҳтимол раъду барқ ба амал ояд
«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад