Сарвазири мамлакат бо ҷараёни сохтмон ва таҷдиди қитъаи Шамсиддини Шоҳин-Шоҳони роҳи мошингарди Кўлоб-Қалъаи Хумб шинос шуд
Душанбе, 03.09.2016. /АМИТ «Ховар»/. Дирӯз Сарвазири мамлакат Қоҳир Расулзода бо ҷараёни сохтмон ва таҷдиди қитъаи Шамсиддини Шоҳин-Шоҳони роҳи мошингарди Кўлоб-Қалъаи Хумб шинос шуд.
Татбиқи лоиҳаи сохтмон ва таҷдиди қитъаи роҳи мазкур, ки як ҷузъи шоҳроҳи байналмилалии қаламрави Тоҷикистон маҳсуб мешавад, бо мақсади мутобиқсозии роҳҳои мамлакат ба меъёрҳои ҷаҳонӣ амалӣ шуда, масофаи 40 км-ро дар бар мегирад.
Сарвазири мамлакат дар қитъаҳои гуногуни роҳ аз ҳудуди ноҳияи Шамсиддини Шоҳин то мавзеи Шоҳон бо вазъи корҳои омодасозии таҳкурсии роҳ, корҳои мумфаршкунии қисматҳои алоҳида, сохтмону таҷдид, омодасозии иншооти обрави канори роҳ ва корҳои оҳану бетонрезӣ шинос шуд. Тавре иттилоъ дода шуд, дар корҳои сохтмон ва таҷдиди ин қитъаи роҳ дар моҳи августи соли равон нисбатан пешравиҳо ба назар расида, дар ин давра ба маблағи беш аз 5 млн. 500 ҳазор сомонӣ корҳои нақшавӣ ба анҷом расонида шудаанд.
Дар айни замон дар татбиқи лоиҳаи сохтмон ва таҷдиди қитъаи Шамсиддини Шоҳин-Шоҳони роҳи мошингарди Кўлоб-Қалъаи Хумб 763 нафар кор мекунанд, ки 630 нафари онҳо коргарони маҳаллӣ мебошанд. Барои иҷрои корҳои сохтмон ва таҷдиди роҳ ҳамчунин 268 адад техникаю таҷҳизоти корӣ сафарбар шудааст.
Рафти шиносоии Сарвазири мамлакат бо лоиҳаи сохтмон ва таҷдиди қитъаи Шамсиддини Шоҳин-Шоҳони роҳи мошингарди Кўлоб-Қалъаи Хумб дар ситоди сйёри корӣ натиҷагирӣ карда шуд. Дар ситод оид ба иҷрои корҳои сохтмонию таҷдидсозӣ дар лоиҳа роҳбарияти Вазорати нақлиёти Ҷумҳурии Тоҷикистон ва роҳбарону масъулони ширкатҳои вобасташуда ҳисобот доданд.
Хотиррасон бояд шуд, ки барои татбиқи лоиҳаи сохтмон ва таҷдиди қитъаи Шамсиддини Шоҳин-Шоҳони роҳи мошингарди Кўлоб-Қалъаи Хумб ташкилоту ширкатҳои сохтмонию роҳсозӣ аз Туркия, Кувайт, Лубнон ва Ҷумҳурии Мардумии Чин ҷалб шудаанд.
Дар ситоди сайёр роҳбарияти вазорату идораҳои дахлдор, маркази татбиқи лоиҳа ва ташкилоту идораҳои сохтмонии ҳамкор ҷиҳати иҷрои саривақтии нишондиҳандаҳои асосии корҳои таҷдид ва сохтмонӣ вазифадор карда шуданд.
Дар ин рўз Сарвазири мамлакат Қоҳир Расулзода ҳамчунин дар маркази ноҳияи Шамсиддини Шоҳин дар расми мавриди баҳрабардорӣ қарор додани бинои нави шуъбаи Агентии суғуртаи иҷтимоӣ ва таъминоти нафақаи назди Ҳукумати Ҷумҳурии Тоҷикистон иштирок намуд.
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
Ҳайати Тоҷикистон дар ҷаласаи вазирони Кумитаи доимии ҳамкории иқтисодиву тиҷоратии СҲИ иштирок намуд
