Дастаи «Хатлон-1» ғолиби гӯштини тарзи миллӣ байни ҷавонон гардид
![](https://khovar.tj/wp-content/uploads/2016/10/Novyj-risunok.bmp)
Душанбе, 04.10.2016. /АМИТ «Ховар»/. Рӯзҳои 2-3 октябри соли равон дар шаҳри Кӯлоб Мусобиқаи ҷумҳуриявӣ оид ба гӯштини тарзи миллӣ байни ҷавонон доир гардид, ки дар он зиёда аз 120 нафар варзишгарон аз дастаҳои «Хатлон- 1», «Хатлон-2», «Суғд», «Душанбе-1», «Душанбе-2» ва шаҳру ноҳияҳои тобеи ҷумҳурӣ ширкат варзида, қувваозмоӣ намуданд.
Дар ин бора ба АМИТ «Ховар» аз Кумитаи ҷавонон, варзиш ва сайёҳии назди Ҳукумати ҶТ иттилоъ доданд.
Ба иттилои манбаъ, бо ба даст овардани бартарият дастаи «Хатлон-1» мақоми аввал, дастаи «Хатлон-2» ҷойи дуюм ва «Душанбе-1» зинаи сеюмро соҳиб шуда, аз ҷониби масъулин бо диплому медалҳо сарфароз гардиданд.