Ифтихорномаи ректори ДДХ ба волидони донишҷӯён: кори бонизоми омӯзгор ва падару модаронро роҳандозӣ бояд кард!
Хоруғ, 20.10.2016. /АМИТ «Ховар»/. Ректори Донишгоҳи давлатии Хоруғ ба номи Моёншо Назаршоев Шермамад Ҷонмамадов дар ҳузури бештар аз 500 донишҷӯ ба гурӯҳе аз волидони донишҷӯён, ки фарзандонашон бо баҳои хубу аъло таҳсил мекунанд ва дар барномаҳои фарҳангию варзишии шаҳру вилоят ширкати фаъол доранд, ифтихорномаҳо тақдим кард. Зимни супурдани ифтихорномаҳо ректори донишгоҳ аз Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ёдовар шуда гуфт: «Қонуни мазкур бо тақозои замони муосир, баъди афзоиши рӯзафзуни таъсири фарҳангу суннати ҷаҳони берунӣ ба василаи шабакаҳои мухталифи электронӣ ба тасвиб расид. Фарзандони мо ҳангоми истифода аз ин шабакаҳо дар баробари иттилои зарурӣ, ҳамчунин бо бисёр гузоришу матолиби дурушту ихтилофангез рӯ ба рӯ мешаванд, ки ба арзишҳои миллии мо созгор нестанд. Ин метавонад рафтору кирдори онҳоро ноаён тағйир диҳад ва мо замоне аз ин огоҳ мешавем, ки ислоҳаш ғайримумкин мегардад. Қонуни мазкур бори дигар моро ҳушдор медиҳад, ки дар таълиму тарбияи фарзандонамон ба саҳлангорӣ роҳ надиҳем, зеро ин на танҳо ба оилаи мо, балки ба ҷомеа ва кишварамон зарари ҷиддӣ мерасонад. Аз ин рӯ Президенти кишвар Эмомалӣ Раҳмон пайваста аз фаъол шудани гурӯҳҳои террористию экстремистӣ дар нуқоти мухталифи ҷаҳон ёдовар шуда, ба устодону донишҷӯён ва волидони онҳо таъкид менамояд, ки зираку ҳушёр бошанд ва ба доми ифротгароён наафтанд».
Дар ҷамъомад таъкид гардид, ки чун ҳамеша, масъалаи ҳифзи шаҳрвандони мо аз таъсири ин гуна тарғибот ва пешгирии ҷалби онҳо ба сафи ташкилотҳои терррористиву экстремистӣ муҳим боқӣ мемонад. Дар ин ҷо кори ҳаррӯза ва бонизоми ҳар як омӯзгор ва корманди соҳаи маориф дар якҷоягӣ бо падару модарон зарур аст.
Ректори донишгоҳи мазкур бори дигар ба волидони донишҷӯён, ки ҳамеша бо устодон ҳамкорӣ мекунанд ва ҷараёни таҳсили фарзандонашонро пайгирӣ менамоянд, изҳори сипос кард. Аз устодон даъват намуд, ки барои барқарор кардани робитаи доимӣ бо волидон худашон низ бештар саъю талош кунанд.
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст
Президенти Тоҷикистон ҳамоиши сатҳи олӣ — муаррифии Даҳсолаи байналмилалии барои илмҳои яхшиносӣ (криосферӣ)-ро ифтитоҳ намуданд
Дар Хуҷанд Мусобиқаи ҷумҳуриявӣ оид ба ҷудо байни наврасон ҷамъбаст гардид
Имрӯз дар шаҳри Душанбе ҳаво то 35 дараҷа гарм мешавад
ҚУРБИ АСЪОР: дар Тоҷикистон 1 рубли русӣ аз 0.1247 то 0.1240 сомонӣ муқаррар шудааст
Кишоварзони ноҳияи Восеъ дар гармхона бо усулҳои муосир маҳсулот парвариш мекунанд
