Конститутсия санади муҳими сиёсиест, ки роҳи расидан ба зиндагии орому шоистаро муайян мекунад

Октябрь 31, 2016 17:30

Хоруғ, 31.10.2016 /АМИТ «Ховар»/. Дар Китобхонаи вилоятии ба номи Абӯабдуллоҳ Рӯдакӣ бахшида ба 22-юмин солгарди қабули Конститутсияи Ҷумҳурии Тоҷикистон мулоқоти кормандони прокуратураи шаҳри Хоруғ бо собиқадорони ҷангу меҳнат баргузор гардид.
Субҳониддин Муҳаммадзода, ёрдамчии прокурори шаҳр иброз дошт, ки аввалин муваффақияти сиёсӣ дар роҳи бунёди давлатдории тоҷикон пас аз ба даст овардани истиқлолияти давлатӣ ин тариқи раъйпурсии умумихалқӣ қабул кардани Конститутсия мебошад.
«Ин санад бори дигар аз соҳибистиқлолии комили давлат ва миллати тоҷик ба ҷаҳониён мужда расонд. Бо қабули санади мазкур таъсиси давлати нави ҳуқуқбунёд, демократӣ, дунявӣ ва ягона дар харитаи сиёсии ҷаҳон арзи ҳастӣ намуд. Конститутсияро бахтномаи миллат низ ном мебаранд ва ҳар шахс вазифадор аст, ки ҳар банди онро риоя кунад, ҳуқуқу озодӣ, шарафу номуси дигаронро эҳтиром намояд. Танҳо бо ҳамин роҳ мо метавонем ба ҳадафи ниҳоии худ, яъне бунёди давлати аз ҳар ҷиҳат пешрафта ва мардумони дорои зиндагии шоиста бирасем»- гуфт Субҳониддин Муҳаммадзода.
Ҳамчунин ёрдамчии прокурори шаҳр илова намуд, ки вазифаи мақомоти прокуратура назорати риояи дақиқи қонун дар қаламрави кишвар мебошад. Агар шаҳрванде қонунро риоя накард, ба ҷавобгарии маъмурӣ ё ҷиноятӣ кашида мешавад. Надонистани қонун ҷавобгариро истино намекунад.
Раиси собиқадорони ҷангу меҳнати шаҳри Хоруғ Қурбонмамад Шодмонбеков аз салоҳияту ваколатҳои Вилояти Мухтори Кӯҳистони Бадахшон, ки Конститутсия муқаррар намудааст, ёдовар шуда, иброз дошт, ки мутобиқи моддаи 53 Конститутсия «яке аз муовинони Раиси Маҷлиси Миллӣ аз ҳисоби намояндагони ВМКБ мебошад» ва яке аз бобҳои Конститутсия ба омӯзиш, таҳқиқ ва истифодаи озодонаи гурӯҳҳои забонҳои помирӣ бахшида шудааст, зеро ин забонҳо низ мероси гаронбаҳои миллат ба шумор мераванд ва давлат оид ба ҳифзу нигаҳдории ин забонҳо кафолат медиҳад.

Октябрь 31, 2016 17:30

Хабарҳои дигари ин бахш

МегаФон Тоҷикистон туҳфаҳои аввалини иқдоми «МегаМиллион»-ро тақдим намуд
Имрӯз дар Тоҷикистон раъду барқ ба амал меояд
Орзуи миллионер шудан бо ZET-MOBILE воқеъист
1 октябр ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Лоиҳаи «Стратегияи Ҷумҳурии Тоҷикистон оид ба пешгирии экстремизм ва терроризм барои солҳои 2026-2030» баррасӣ шуд
Тоҷикистон ислоҳоти муассир ва одилонаи воситаҳои молиявии байналмилалиро ҷонибдорӣ менамояд
Мактаб-интернатҳои ҷумҳуриявии шаҳри Ҳисор ба давраи тирамоҳу зимистон омода мебошанд
Дар Душанбе Мусобиқаи «Дави дӯстӣ» баргузор мегардад
Имрӯз дар шаҳри Душанбе ҳаво то 31 дараҷа гарм мешавад
Дар ноҳияи Сангвор бо афсарону сарбозон вохӯрии судманд баргузор гардид
HUAWEI маҳсулоти инноватсионии худро дар Париж муаррифӣ намуд