Адам Мадалински: «Иттиҳоди Аврупо донори асосӣ оид ба дастгирии рушди Тоҷикистон дар самти маориф ва идоракунии молияи давлатӣ ба шумор меравад»
Душанбе, 27.10.2016 /АМИТ «Ховар»/. «Зиёда аз шаш сол аст Донишкадаи молия ва иқтисоди Тоҷикистон бо Намояндагии Иттиҳоди Аврупо дар Тоҷикистон ҳамкориро ба роҳ мондааст»,- гуфт ректори Донишкадаи молия ва иқтисоди Тоҷикистон Ашурбой Солеҳзода дирӯз дар маросими ифтитоҳи китобхонаи илмии Донишкадаи молия ва иқтисод, ки аз тарафи Намояндагии Иттиҳоди Аврупо дар Тоҷикистон таҷдиду навсозӣ гардид.
Ашӯрбой Солеҳзода баён намуд, ки бо дастгирии Иттиҳоди Аврупо дар донишкада лоиҳаҳои грантӣ татбиқ мегарданд. Ба китобхона таҷҳизоти ҳозиразамон ворид карда шуда, имкониятҳои фарох барои донишҷўёну омўзгорон, аспирантон, магистрантон ва докторантон фароҳам оварда шудааст.
Дар кори китобхона тағйироти ҷиддӣ ворид карда шуда, хонанда метавонад мустақилона худаш аз он истифода барад. Ҳамчунин китобхонаи электронӣ васеъ гардида, дастрасӣ ба ду сервери китобхонавии электронӣ ба забонҳои англисӣ ва русӣ пайдо карда шуд, ки дар Ҷумҳурии Тоҷикистон ягона аст.
Аз тарафи ширкати Луис Бергер муддати ду сол аст, ки омўзгорон такмили ихтисос мегузаранд. Донишкада дар оянда ташкили магистратураи идоракунии молияи давлатӣ ва ташкили маркази ақлҳоро ба нақша гирифтааст.
Роҳбари Намояндагии Иттиҳоди Аврупо дар Тоҷикистон Адам Мадалински иброз дошт, ки Иттиҳоди Аврупо донори асосӣ оид ба дастгирии рушди Тоҷикистон дар самти маориф ва идоракунии молияи давлатӣ ба шумор меравад.
«Ин лоиҳаи дуюми расондани кумак ба ДМИТ буда, барои таҷҳизонидани китобхона Иттиҳоди Аврупо 100 ҳазор евро ҷудо намудааст. Якҷоя бо донишкада барои мукаммалгардонии барномаи таълимӣ, коркарди идеяҳо дар мавзўи идоракунии молияи давлатӣ кор бурда истодаем»,- гуфт Адам Мадалински.
Донишкада дорои китобхонаи электронӣ буда, толори он ба 56 ҷойи нишаст мутобиқ аст. Ҳоло 36 адад компютер дар он насб гардида, ба хонандагон хизмат мерасонанд. Дар китобхонаи электронӣ зиёда аз 200 ҳазор нусха адабиёт бо забонҳои тоҷикӣ, русӣ ва англисӣ мавҷуданд. Бо дастгирии лоиҳаи мазкур китобхонаи электронии донишкада ба китобхонаи электронии онлайн (jstor.org) ва фонди китобхонаи Khigofund.ru барои як сол дастрасӣ пайдо кард.
Дабири кулли СММ барои дар сатҳи ҷаҳонӣ мубориза бурдан бо гармои шадид даъват намуд
Аз 27 июл то 1 август дар Тоҷикистон чангу ғубор ва дар баъзе ноҳияҳо омадани сел пешгӯӣ мешавад
Имрӯз дар Тоҷикистон ҳавои камабри бебориш пешгӯӣ мешавад
Дар «Роҳи оҳани Тоҷикистон» вохӯрии гурӯҳи корӣ бо занону духтарон доир шуд
29 июл дар Кумитаи давлатии идораи замин ва геодезӣ, Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва КВД «Тоҷиксуғурта» нишасти матбуотӣ баргузор мешавад
Донишҷӯёни Донишгоҳи аграрии Тоҷикистон таҷрибаомӯзии истеҳсолӣ ва пешаздипломиро дар хоҷагиҳои пешқадами ҷумҳурӣ мегузаронанд
Дар Кӯлоб 2684 протоколи ҳуқуқвайронкунии маъмурӣ нисбат ба ронандагон тартиб дода шуд
Имрӯз дар Тоҷикистон ҳаво то 43 дараҷа гарм мешавад
Дар ноҳияи Фирдавсӣ ташкилоти ибтидоии ҳизбии «Амирӣ» ва «Афзалият» таъсис дода шуд
Агентии хоҷагии ҷангал: «Нисбат ба ҳуқуқвайронкунандагони қонунгузории соҳа ба миқдори 780 санад тартиб дода шуд»
