Натиҷагирии ҳолати аслии фаъолияти ташкилотҳои қарзӣ оид ба қарздории хоҷагиҳо
Душанбе, 03.10.2016. /АМИТ «Ховар»/. Сардорони воҳидҳои сохтории Бонки миллии Тоҷикистон (БМТ) таҳти роҳбарии муовини якуми раиси бонк Ҷамолиддин Нуралиев бо ҳайати намояндагии Корпоратсияи байналмилалии молиявӣ (IFC) оид ба маблағгузории хурд дар Бонки миллии Тоҷикистон ҷиҳати муҳокимаи натиҷаҳои тадқиқоти дуюми қарздории хоҷагиҳо дар Тоҷикистон мулоқот намуданд.
Ҷамолиддин Нуралиев диққати ҳозиринро ба мувофиқи мақсад гузаронидани таҳлилҳои муқоисавӣ байни тадқиқоти солҳои 2014 -2016 ва масъалаҳои муҳими ҳалталаби имрӯзаи кишвар дар низоми бонкӣ ҷалб намуда, изҳори умедворӣ намуд, ки тарафҳо тавассути муколама ва баҳс метавонанд бо маълумот ва таҷрибаи якдигар ошно гашта, тавассути истифодаи пешниҳодҳои созанда дар оянда ба натиҷаҳои назаррас ноил гарданд.
Ҷамолиддин Нуралиев изҳор намуд, ки ҳадаф аз баргузории чорабинии мазкур натиҷагирии ҳолати аслӣ ва имрӯзаи фаъолияти ташкилотҳои қарзӣ оид ба қарздории хоҷагиҳо, муҳокимаи масъалаҳои дар ин самт ҷойдошта ва баррасии пешниҳодҳо вобаста ба самаранок намудани механизми корбарӣ буда, хулосаҳои дар ҷараёни баргузории чунин чорабиниҳо ба даст овардашуда, заминаи хуби назариявӣ барои таҳияи барномаҳо дар оянда хоҳанд шуд.
Иштирокдорони мулоқот оид ба паҳлуҳои гуногуни баргузории назарсанҷӣ дар мавзӯи «Самти устуворгардонии вазъ дар низоми бонкии Ҷумҳурии Тоҷикистон» андешаҳои худро иброз дошта, пешниҳодҳои худро дар мавриди муайян намудани таносуби уҳдадории қарзҳо, даромадҳо ва дигар хароҷоти хоҷагиҳо, миқдори пардохти қарзҳо, таъсири хавфҳои асъорӣ, эътимоди қарзгирандагон ба фаъолияти ташкилотҳои молиявӣ баён намуданд.
Дар ин бора ба АМИТ Ховар аз шуъбаи матбуоти БМТ хабар доданд.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
