Президенти Ҷумҳурии Тоҷикистон: «Ҳамкориву шарикии созанда тақозои замон аст»

Ноябрь 28, 2016 16:15

30486055543_c588d5c8b5_zДушанбе, 28.11.2016 /АМИТ «Ховар»/. Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни суханронии худ дар Саммити оби Будапешт изҳор кард, ки ба Рӯзномаи нави ҷаҳонии рушд ворид намудани масъалаҳои сифати оби ошомиданӣ, самаранокии истифодаи захираҳои об, ба роҳ мондани мудирияти ҳамгироёнаи онҳо, ҳифзи низоми экологии об ва дигар масъалаҳои марбут ба об аз дастовардҳои муҳими талошҳои муштараки чанд соли ахири ҷомеаи ҷаҳонӣ ба шумор меравад.
«Ҷойи шубҳа нест, ки хавфи сар задани буҳронҳои обӣ бинобар афзоиши шумораи аҳолии сайёраи мо ва коҳиш ёфтани захираҳои об тамоюли афзоишро касб хоҳад кард. Тахмин меравад, ки то ахири даҳсолаи ҷорӣ дар ҳудуди ду миллиард аҳолии кураи Замин ба мушкили камбуди мутлақи об дучор хоҳад гардид», — омадааст дар суханронии Сарвари давлат.
«Дар шароити ниёзмандии рӯзафзуни ҷаҳонӣ ба об ҳамкориву шарикии созанда дар ин арсаҳо тақозои замон аст», — изҳор кард Сарвари давлати тоҷикон дар Саммити оби Будапешт.
Хотиррасон мекунем, ки 28 ноябри соли равон Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун роҳбари давлати ташаббускори бузург дар масоили байналмилалии марбут ба об дар Саммити оби Будапешт иштирок ва суханронӣ намуданд.

Ноябрь 28, 2016 16:15

Хабарҳои дигари ин бахш

«ВАТАНПАРВАР».Таҳти ин унвон дар Душанбе мусобиқаи ҳарбӣ-варзишӣ баргузор гардид
Дар Турсунзода бахшида ба Рӯзи байналмилалии Модар-Замин ҳамоиш доир шуд
ОБУ ҲАВО: Имрӯз дар Тоҷикистон ҳаво камабр ва тағйирёбандаи бебориш мешавад
ОБУ ҲАВО: Имрӯз дар Тоҷикистон ҳаво тағйирёбанда шуда, борон меборад
Донишгоҳи миллии Тоҷикистон барои ҷалби муҳассилин ба корҳои илмӣ-тадқиқотӣ озмуни «Донишҷӯи инноватсионӣ – 2020» эълон намуд
Шоҳроҳи Турсунзода-сарҳади Ӯзбекистон гулистон мешавад
ОБУ ҲАВО: Имрӯз дар Тоҷикистон борон борида, раъду барқ ба амал меояд
Дар Шаҳринав бо мақсади хушзоткунӣ Фестивал-намоиши чорвои зотӣ гузаронида шуд
ОБУ ҲАВО: Имрӯз дар Тоҷикистон ҳаво тағйирёбанда шуда, борон меборад
Падари Президенти Туркманистон аз олам даргузашт
«ЗИ ҶӮЕ, КИ ХӮРДӢ АЗ ОН ОБИ ПОК…». Дар ноҳияи Сино аксияи экологии «Тозагии соҳил» доир гардид
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад