Конфронси амалӣ «Об барои рушди устувор»

Декабрь 30, 2016 17:10

ДУШАНБЕ, 30.12.2016 /АМИТ «Ховар»/. Дар Вазорати саноат ва технологияҳои нави Ҷумҳурии Тоҷикистон дар доираи қабули Қатъномаи Маҷмаи Умумии Созмони Милали Муттаҳид Даҳсолаи байналмилалии амал «Об барои рушди устувор», солҳои 2018-2028, ки аз ҷониби Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешниҳод гардидааст, конфронси илмӣ- амалӣ баргузор гардид.
Тавре ки аз вазорат хабар доданд, Вазири саноат ва технологияҳои нави Ҷумҳурии Тоҷикистон Шавкат Бобозода ҳозиринро бо қабули Қатъномаи Даҳсолаи байналмилалии амал «Об барои рушди устувор» табрик намуда, зикр кард, ки маҳз бо талошҳои пайгиронаи Пешвои миллат Эмомалӣ Раҳмон ин Қатънома қабул гардид.
Дар Қатъномаи эълони Даҳсолаи байналмилалии амал «Об барои рушди устувор» барои солҳои 2018-2028 махсусан зикр шудааст, ки «манбаъҳои обӣ барои рушди устувор ва аз байн бурдани камбизоативу гуруснагӣ дорои аҳамияти ҳалкунандаанд ва барои рушди захираҳои инсон комилан заруранд. Онҳо барои расидан ба ҳадафҳои рушди устувор, ҳадафҳои марбут ба соҳаҳои иқтисодӣ, иҷтимоӣ ва экологӣ дар сатҳи байналмилалии мувофиқашуда аҳамияти аввалиндараҷа доранд».
Ҷумҳурии Тоҷикистон тӯли 25-соли соҳибистиқлолӣ дар миқёси ҷаҳон бо сарварии Пешвои миллат муҳтарам Эмомалӣ Раҳмон ҳамчун кишвари созанда обрӯ ва эътибори хосса пайдо намуд. Маҳз бо корнома ва пайкорҳои Пешвои миллат тоҷикон тавонистанд, ки дар заминаи арзишҳои умумимиллӣ ва таърихии худ аз нав ба ҳам омада, қадами созанда гузоранд.

Декабрь 30, 2016 17:10

Хабарҳои дигари ин бахш

Имрӯз дар Тоҷикистон ҳаво тағйирёбанда шуда, борон ба амал меояд
Имрӯз дар шаҳри Душанбе ҳаво рӯзона то 23 дараҷа гарм мешавад
Дар натиҷаи сӯхтори киштии мусофирбар дар Филиппин 12 нафар ба ҳалокат расид
Имрӯз дар ноҳияҳои алоҳидаи Тоҷикистон борон пешгӯӣ мешавад
«Ватанпарвар» дар Роштқалъа наврасонро ба хизмати Модар-Ватан омода менамояд
Шумораи бедаракшудагон дар Эквадор бар асари ярч ба 71 нафар расид
Имрӯз дар шаҳри Душанбе ҳаво рӯзона то 24 дараҷа гарм мешавад
Ба сокинони ҷамоатҳои деҳоти Даҳана ва Зиракии шаҳри Кӯлоб Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Бар асари фаромадани ярч дар қисмати марказии Эквадор 16 нафар ба ҳалокат расид
Тӯфони марговари «Фредди» якбора чанд рекорд нишон дод
Ҳар панҷумин белгиягӣ маҷбур аст, ки маҳсулотро аз хориҷа харидорӣ кунад
Бар асари тирпаронӣ дар мактаби Нэшвиллеи Амрико шаш нафар ба ҳалокат расид