Гумрукчиён иди касбиашонро таҷлил намуданд
ДУШАНБЕ, 23.01.2017. /АМИТ «Ховар»/. Ҳамасола 22 январ иди касбии кормандони гумруки тоҷик ҷашн гирифта мешавад. Мақомоти гумруки Тоҷикистон ҳамсолу ҳамқадами Истиқлолияти давлатӣ буда, ба таъсиси ин сохтори қудратии кишвар 25 сол пур шуд.
21 январ дар Хадамоти гумруки назди Ҳукумати Ҷумҳурии Тоҷикистон биступанҷумин солгарди мақомоти гумрук ботантана таҷлил гардид.
Тавре аз Хадамоти гумруки назди Ҳукумати Ҷумҳурии Тоҷикистон хабар доданд, бахшида ба иди касбии гумрукчиён ва тибқи муқаррароти моддаи 486-и Кодекси гумруки Ҷумҳурии Тоҷикистон маросими савгандёдкунии ҷавонафсарон баргузор шуд.
Сардори Хадамоти гумрук, генерал-лейтенанти адлия Абдуфатоҳи Ғоиб дар бораи ташаккул ва рушди мақомоти гумрук дар даврони Истиқлолияти давлатӣ сухан гуфт.
Абдуфатоҳи Ғоиб барои иҷрои софдилонаи уҳдадориҳои хизматӣ, интизоми намунавӣ, ноил гаштан ба натиҷаҳои назаррас ба фаъолияти хизматӣ ва ба муносибати биступанҷумин солгарди мақомоти гумрук як гурӯҳ кормандонро бо мукофотҳо сарфароз гардонид.
Дар ҷамъомад намояндаи Хадамоти федералии Россия дар Тоҷикистон Николай Никулин сухан намуда, табрикоти роҳбарияти мақомоти гумруки Россияро ба гумрукчиёни тоҷик расонид.
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
Имрӯз дар ноҳияҳои кӯҳии Тоҷикистон ҳаво то 29 дараҷа гарм мешавад
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
АМНИЯТИ ЗЕҲНИ СУНЪӢ ВА ДУРНАМОИ РУШДИ ОН ДАР ТОҶИКИСТОН. Мутахассис ин мавзуъро шарҳ медиҳад
