«Ҳосилот» ва «Истиқлол»- ғолибони бозиҳои аввал барои Ҷоми ФФТ

ДУШАНБЕ, 27.01.2017/АМИТ «Ховар»/. Дирӯз дар майдони дуюми Варзишгоҳи марказии пойтахт мусобиқаи футболбозон барои Ҷоми ФФТ дар минтақаи Душанбе оғоз гардид. Дастаи «Ҳосилот»-и Фархор, ки ҳафтаи оянда аввалин вохӯрии расмии худро дар бозиҳои плей-оффи Ҷоми Конфедератсияи футболи Осиё бо «Шоҳин Асмоӣ» дар Душанбе мегузаронад, дар бозии худ бо «Хайр»-и Ваҳдат бо натиҷаи 2:0 ғолиб омад. Ин вохӯрӣ дар гурӯҳи «Б»-и мусобиқот сурат гирифт. Иброҳим Рабимов (67) ва Наврӯз Рустамов (74) муаллифи голҳо шуданд.
Дар бозии дуюми рӯзи гузашта ҳайати ҷавонони «Истиқлол» бар «Барқчӣ» бо ҳисоби 2:1 пирӯз гардиданд.
Имрӯз дар идомаи вохӯриҳо барои Ҷоми ФФТ «Регар-ТадАЗ» бо «Локомотив-Помир» (12:30) ва КМВА «Помир» бо «Кӯктош» (15:00) вориди майдон мешаванд.
Аз минтақаи шаҳри Душанбе чор даста ба бозиҳои ниҳоӣ роҳхат мегиранд. Бино ба иттилои ФФТ, бозиҳои ниҳоӣ аз 10 то 19 феврал дар шаҳри Душанбе гузаронида мешаванд. 8 дастаи беҳтарин ба мусобиқаи ниҳоӣ аз се минтақа- Душанбе, вилояти Суғд ва Хатлон роҳхат мегиранд.
Тақвими мусобиқа дар минтақаи Душанбе
Даври 1
26 январ (панҷшанбе)
12:30 «Ҳосилот» — «Хайр» 2:0
15:00 «Барқчӣ» — «Истиқлол» 2:1
27 январ (ҷумъа)
12:30 «Регар-ТадАЗ» — «Локомотив-Помир»
15:00 КМВА «Помир»- «Кӯктош»
Даври 2
28 январ (шанбе)
12:30 «Ҳосилот» — «Истиқлол»
15:00 «Барқчӣ» — «Хайр»
29 январ (якшанбе)
12:30 «Ваҳдат» — «Кӯктош»
15:00 «Регар-ТадАЗ»-КМВА «Помир»
Даври 3
30 январ (душанбе)
12:30 «Ҳосилот» — «Барқчӣ»
15:00 «Истиқлол» — «Хайр»
1 феврал (чоршанбе)
12:30 «Ваҳдат» — «Локомотив-Помир»
15:00 «Регар-ТадАЗ» — «Кӯктош»
Даври 4
3 феврал (ҷумъа)
12:30 «Ваҳдат» — КМВА «Помир»
15:00 «Локомотив-Помир» — «Кӯктош»
Даври 5
6 феврал (душанбе)
12:30 «Ваҳдат» — «Регар-ТадАЗ»
15:00 КМВА «Помир» -«Локомотив-Помир»