Се лижарони Тоҷикистон дар Универсиада ширкат мекунанд
ДУШАНБЕ, 30.01.2017/АМИТ «Ховар»/. Се нафар лижаронҳои Тоҷикистон дар Универсиадаи XXVIII зимистона, ки дирӯз дар шаҳри Алмаатои Ҷумҳурии Қазоқистон оғоз ёфт, ширкат меварзанд. Маросими ифтитоҳи бозиҳо дар варзишгоҳи «АлматиАрена» баргузор шуд.
Аз рӯи барномаи Универсиада мусобиқаҳо дар ҳашт иншооти варзишӣ мегузаранд, ки дар онҳо беш аз ду ҳазор варзишгари аз 17 то 28-сола аз 55 кишвари ҷаҳон ширкат меварзанд.
Тавре сармураббии дастаи мунтахаби Тоҷикистон оид ба лижаронӣ Илҳом Абдуллоев ба радиои «Ховар» 101,5 FМ хабар дод, варзишгарони тоҷик аввалин бор дар Универсиадаи зимистона дар риштаи лижаронии кӯҳӣ ширкат мекунанд. Ҳайати дастаи мунтахаби моро се лижарон Соҳибназари Турсунмурод, Сайфиддини Низомиддин ва Дониёр Каримов ташкил медиҳанд.
Ба барномаи Универсиада-2017 биатлон, варзиши лижаронии кӯҳӣ, кёрлинг, конкитозӣ, пойгаи лижаронӣ, дуҳарбаи лижаронӣ, ҷаҳиш аз трамплин, рақси рӯи ях, сноуборд, фристайл, шорт-трек ва хоккей дохиланд. Донишҷӯён дар маҷмӯъ барои 86 маҷмӯи медалҳо мубориза мебаранд ва Универсиада то 8 феврал идома меёбад.
Ёдовар мешавем, ки бори аввал Универсиада дар кишварҳои собиқ Иттиҳоди Шӯравӣ баргузор шудааст ва он дар ҳар ду сол доир мегардад.
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
