Вохӯрии вакилон бо интихобкунандагон дар ноҳияи Шамсиддини Шоҳин

ҚӯРҒОНТЕППА, 13.01.2017 /АМИТ «Ховар»/. Дар маркази маъмурии ноҳияи  Шамсиддин Шоҳин вохӯрии интихобкунандагон бо вакилони Маҷлиси намояндагони Маҷлиси Олии Ҷумҳурии Тоҷикистон Ҷӯрахон Маҷидзода ва Дилшод Исматуллоев баргузор гардид.
Тавре  аз  шуъбаи  иттилоотӣ- таҳлилии  мақомоти  иҷроияи  ҳокимияти давлатии вилояти Хатлон  ба  хабарнигори  минтақавии  АМИТ  «Ховар»   иттилоъ  доданд, вакилон дар вохӯрӣ оид ба нуктаҳои асосии Паёми Асосгузори  сулҳу  ваҳдати  миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон изҳор доштанд, ки Паёми мазкур ифодагари дастовардҳои иқтисодию иҷтимоии 25 соли замони соҳибистиқлолии кишварамон мебошад. Паёми Пешвои миллат ҳадафҳои ояндаи ҷомеаамонро муайян сохтааст.
Баъдан вакилон дар хусуси пешниҳодҳои Сарвари давлат, бахусус Соли ҷавонон эълон намудани соли 2017 изҳори андеша карда, барои дар сатҳи намунавӣ гузаронидани соли мазкур ба интихобкунандагони хеш барор хостанд.
Ҳамзамон чанд нафар аз интихобкунандагон ба минбар баромада, дастгирии худро аз  дастуру  супоришҳои  Президенти Ҷумҳурии  Тоҷикистон  Эмомалӣ Раҳмон  баён намуданд.