Эмомалӣ Раҳмон: «Заҳмату ҷасорат ва фидокориву матонати ҳомиёни содиқи Ватан ҳамеша қадрдонӣ мегардад»
ДУШАНБЕ, 22.02.2017 /АМИТ «Ховар»/. Имрӯз Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар расми ифтитоҳи иншооти нави Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ноҳияи Фирдавсии шаҳри Душанбе аз заҳмату ҷасорат ва фидокориву матонати ҳомиёни содиқи Ватан изҳори қаноатмандӣ намуданд.
Сарвари давлат дар ин робита зикр намуданд, ки Ҳукумати кишвар хизматҳои шоёни муҳофизони ҷонфидои Ватанро ҳамеша қадрдонӣ карда, дар баробари дигар дастгириҳо то имрӯз садҳо нафар афсарону сарбозони Қувваҳои Мусаллаҳ, аз ҷумла Қӯшунҳои сарҳадиро бо мукофотҳои давлатӣ ва рутбаҳои ҳарбӣ сарфароз гардонидааст.
Пешвои миллат Эмомалӣ Раҳмон ҳамчунин таъкид намуданд, ки танҳо дар зарфи солҳои охир ҳазорон оилаи хизматчиёни ҳарбии сохтору мақомоти гуногуни ҳарбӣ бо хонаҳои истиқоматӣ ва қитъаҳои замини наздиҳавлигӣ таъмин карда шуданд ва Ҳукумати мамлакат кӯшиш дорад, ки ин равандро минбаъд низ идома бахшад.
Ғайр аз ин, Ҳукумати мамлакат дар доираи ислоҳот ва навсозии Қувваҳои Мусаллаҳ сохтмони иншооти нав ва таъмиру таҷдиди инфрасохтори мавҷуда, аз ҷумла барои Қӯшунҳои сарҳадӣ вусъат дода, ҷиҳати ба меъёрҳои ҷаҳонӣ мутобиқ гардонидани ҳимояи марзҳои давлатӣ ҳамаи тадбирҳои заруриро амалӣ карда истодааст.
Танҳо дар зарфи солҳои охир барои Қӯшунҳои сарҳадӣ 29 дидбонгоҳу хонаҳои бисёрошёна ба истифода супорида шудааст ва бунёди боз 28 иншооти дигар идома дорад.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
