Равобити парлумонӣ байни Тоҷикистону Озарбойҷон тавсеа меёбад
ДУШАНБЕ, 06.02. 2017/АМИТ «Ховар»/. Тавсеаи ҳамкории парлумонӣ байни Тоҷикистон ва Озарбойҷон дар меҳвари мулоқоти Олим Салимзода, раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот ва Аббосалӣ Каром оғлу Гасанов, Сафири Фавқулода ва Мухтори Ҷумҳурии Озарбойҷон дар Ҷумҳурии Тоҷикистон қарор дошт.
Таъкид шуд, ки Парлумони Тоҷикистон ба рушди ҳамкории гуногунсоҳа бо Озарбойҷон аҳамияти махсус зоҳир мекунад. Мардумони ҳарду кишварро арзишҳои дӯстӣ ва муштаракоти фарҳангӣ аз қаъри асрҳо бо ҳам мепайвандад. Хусусан бо соҳибистиқлол гардидани Тоҷикистон равобити ҳасана бо Озарбойҷон рушд ёфт.
Мусоҳибон зикр намуданд, ки сафарҳои сарони ҳар ду кишвар Эмомалӣ Раҳмон ва Илҳом Алиев ба давлатҳои ҳамдигар ва вохӯрию мулоқоти ҳайатҳои баландпояи Тоҷикистону Озарбойҷон омили ба вуҷуд омадани шароити мусоид ҷиҳати густариши муносиботи мутақобилан судманд байни ду кишвар гардидаанд. Дар ҷараёни ин сафарҳо самтҳои асосии ҳамкории дуҷонибаи Тоҷикистон ва Озарбойҷон дар бахшҳои сиёсӣ, иқтисодӣ, илмӣ — техникӣ, башардӯстона, ки барои шарикии дарозмуддат ба нақша гирифта шудаанд, равона гардидаанд.
Зикр гардид, ки фаъолияти гурӯҳҳои дӯстӣ ва ҳамкории парлумонҳои Тоҷикистону Озарбойҷон корҳои зиёдеро дар самти тақвияти маҷмӯи қарордодиву ҳуқуқии ҳамкории байнидавлатӣ ва мусоидати парлумонӣ барои таҳкими фаъолияти Комиссияи байнипарлумонӣ, махсусан ҷиҳати иҷро қарор гирифтани қарордод ва созишномаҳои имзошуда анҷом додаанд.
Дар анҷом зикр шуд, ки барои тавсеаи равобити гуногунсоҳа байни ду кишвар заминаи мусоид вуҷуд дорад, ки ин имконот ба нафъи Душанбе ва Боку равона хоҳанд шуд.
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Дар ноҳияи Варзоб вобаста ба ҷалби ҷавонон ба сафи Артиши миллӣ вохӯрӣ доир шуд
Панҷ нафар бар асари тӯфон дар ҷануби Чин ба ҳалокат расиданд
