Созишномаи ҳамкорӣ байни Тоҷикистону Афғонистон дар оянда ба тасвиб мерасад
ДУШАНБЕ,06.02.2017/АМИТ«Ховар»/. Ояндаи наздик Парлумони Тоҷикистон Созишномаи байни Ҷумҳурии Тоҷикистон ва Ҷумҳурии Исломии Афғонистон оид ба истирдодро ба тасвиб мерасонад. Масъалаи мазкур 6 феврал дар ҷаласаи Шӯрои палатаи поёнии Парлумони мамлакат, ки таҳти раёсати Шукурҷон Зуҳуров, Раиси Маҷлиси намояндагон доир гардид, баррасӣ шуд.
Дар ҷаласаи Шӯро ҳамзамон лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи иҷозатномадиҳӣ ба баъзе намудҳои фаъолият» муҳокима гардид. Таъкид гардид, ки лоиҳаи қонуни мазкур бо мақсади аз байн бурдани иҷозати дукарата барои амалигардонии фаъолият оид ба чопи қоғазҳои қиматнок пешниҳод гардидааст.
Дар Шӯро ҳамчунин раисони кумитаҳои Маҷлиси намояндагон назару пешниҳодоти худро барои боз ҳам такмил додани лоиҳаи қонуни мазкур, моҳият ва зарурати он изҳор доштанд.
Дар фарҷом масъалаҳо барои баррасӣ ба ҷаласаи навбатии иҷлосияи сеюми палатаи поёнии Парлумон кишвар пешниҳод гардиданд.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
