«Забон-оинаи тақдири миллат»-ҳамоиш ба муносибати Рӯзи байналмилалии забони модарӣ
ДУШАНБЕ, 21.02.2017 /АМИТ «Ховар»/. Ҳамасола дар ҷаҳон 21 феврал ҳамчун Рӯзи байналмилалии забони модарӣ таҷлил мешавад. Бахшида ба ин рӯз дар Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон таҳти унвони «Забон-оинаи тақдири миллат» ҳамоиш доир гардид. Дар ин бора ба мухбири АМИТ «Ховар» аз донишгоҳи мазкур иттилоъ доданд.
Бино ба иттилои манбаъ, дар ҳамоиш олимони варзидаи Институти забон, адабиёт, шарқшиносӣ ва мероси хаттии ба номи Рӯдакии Академияи илмҳои Ҷумҳурии Тоҷикистон дар мавриди эътибори забони модарӣ сухан гуфтанд.
Ректори Донишкадаи соҳибкорӣ ва хизмати Вазорати саноат ва технологияҳои нави Ҷумҳурии Тоҷикистон, профессор Диловар Қодирзода изҳор дошт, ки Рӯзи байналмилалии забони модарӣ (International Mother Language Day) дар Конфронси генералии ЮНЕСКО 17 ноябри соли 1999 эълон гардида, аз соли 2000 инҷониб он ҳамасола дар тамоми ҷаҳон таҷлил мешавад.
«Мақсад аз эълон гардидани Рӯзи байналмилалии забон- ҷалби таваҷҷуҳи ҷомеаи ҷаҳонӣ нисбат ба беҳдошти гуногунии забонӣ ва фарҳанги нутқ мебошад. Дар шароити тезутунди ҷаҳонишавӣ ҳифзи забони модарӣ ҳамчун унсури таркибии фарҳанги миллӣ аз мушкилотест, ки сари он бояд меросбарони забон амиқ андеша намоянд»,- зикр намуд Д. Қодирзода.
Ҳамчунин дар ҳамоиш мавзӯъҳои вижагиҳои грамматикӣ дар забони яғнобӣ, нақши зиёиёни имрӯзаи тоҷик дар ҳифзи забони миллӣ дар давраи муосири ҷаҳонишавӣ ва истифодаи оқилонаи вожаҳои шевагӣ дар ғанӣ гардонидани забони давлатӣ баррасӣ шуданд.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
