«Занон ва рушди илми муосир»-конфронс дар Данғара

ҚӮРҒОНТЕППА, 11.02.2017 /АМИТ «Ховар»/. Имрӯз дар Донишгоҳи давлатии Данғара таҳти унвони «Занон ва рушди илми муосир» бахшида ба Рӯзи байналмилалии занон дар соҳаи илм, ки ҳамасола 11 феврал таҷлил мегардад, конфронси илмӣ ба кори худ оғоз бахшид. Конфронси мазкур бо иқдоми мақомоти иҷроияи ҳокимияти даавлатии вилояти Хатлон ва Раёсати кор бо занон ва оилаи вилояти Хатлон баргузор гардид.
Конфронс дар бахшҳои филология ва методика, иқтисодӣ, технологияи иттилоотӣ, табиӣ ва тиббӣ ва таъриху кишваршиносӣ мегузарад.
Дар конфронс муовини раиси вилояти Хатлон Махфират Хидирзода, раиси ноҳияи Данғара Маҳмадулло Сайдализода ва Ректори Донишгоҳи давлатии Данғара Нуралӣ Шоҳиён сухан гуфтанд.
Конфронс имрӯз корашро ба анҷом мерасонад.