Рӯзи ягонаи ахбори сиёсӣ дар шаҳри Гулистон

ДУШАНБЕ, 24.03.2017. /АМИТ «Ховар»/. Дар «Рӯзи ягонаи ахбори сиёсӣ» дар беш аз 42 корхона,ҷамоату шаҳракҳо, муассисаву идораҳои шаҳри Гулистон чорабиниҳо сурат гирифтанд.
Тавре аз Мақомоти иҷроияи ҳокимияти давлатии шаҳри Гулистон хабар доданд, дар баргузории ин чорабинии сиёсӣ тарғиботчиён, кормандони масъули мақомоти иҷроияи ҳокимияти давлатии шаҳр иштирок намуда, доир ба иди асосии миллии мо – Наврӯзи байналмилалӣ суханронӣ карданд. Тазаккур дода шуд, ки Наврӯзи ҷаҳонӣ, ки дар сарнавишти миллати мо ва тамоми меросбарони он нақши барҷаста дошта, ҳамчун падидаи нотакрори фарҳангӣ ва унсури тамаддуни миллии аҷдодиамон дар масири таърих тамоми инсониятро ба созандагиву офарандагӣ, барои эҷод ва бунёди тарҳи нави зиндагӣ ва ташаббусу иқдомҳои тоза ҳидоят намудааст.