77,4 дарсади довталабони вилояти Хатлон барои имтиҳонҳои дохилшавӣ сабти ном шудаанд

ДУШАНБЕ, 25.04.2017 /АМИТ «Ховар»/. Имрӯзҳо раванди бақайдгирии довталабон ба имтиҳонҳои марказонидаи дохилшавӣ ба донишгоҳу донишкадаҳои ҷумҳурӣ барои соли таҳсили 2017-2018 дар шаҳру ноҳияҳои вилояти Хатлон идома дорад. Дар ин бора аз Мақомоти иҷроияи ҳокимияти давлатии вилояти Хатлон хабар доданд.
Бино ба иттилои манбаъ, то 20 апрели соли равон 38 ҳазору 639 нафар довталабон барои иштирок дар имтиҳонҳои марказонидаи дохилшавӣ худро ба қайд гирифтаанд, ки 77, 4 дарсади хатмкунандагони вилоятро ташкил медиҳад.
Инчунин зикр гардид, ки имсол муассисаҳои таълимии вилояти Хатлонро 49 ҳазору 898 нафар хонандагон хатм мекунанд.