Дар шаҳри Хуҷанд мумфаршкунии роҳҳо оғоз гардид
ХУҶАНД, 13.04.2017. /АМИТ «Ховар» /. Дар маркази вилояти Суғд- шаҳри Хуҷанд корҳои мумфаршкунии роҳҳо оғоз ёфтанд. Бо истифода аз рӯзҳои гарми фасли баҳор, соли равон корҳои мумфаршкунии роҳҳо аз қисми шимолу шарқии шаҳр- назди автовокзали «Роҳи Абрешим»-и маҳаллаи Навбаҳор оғоз шуданд.
Тавре масъулин аз Идораи роҳсозии шаҳр иттилоъ доданд, дар оғози мумфаршкунии роҳи мазкур раиси шаҳри Хуҷанд Маъруф Муҳаммадзода иштирок намуда, таъкид дошт, ки соли равон тибқи нақшаи чорабиниҳои Мақомоти иҷроияи ҳокимияти давлатии шаҳр корҳои мумфаршкунӣ дар дигар кӯчаву маҳаллаҳо низ ба анҷом расонида мешаванд.
Дар маҷмӯъ, соли равон дар маркази вилоят тибқи нақша мумфаршкунии наздик ба 40 км роҳҳои дохили маҳаллаҳои шаҳр ва кӯчаву хиёбонҳо пешбинӣ гардида, баҳри ба анҷом расонидани корҳо дар ин самт ҳоло аз ҷониби идораи роҳсозии шаҳр бо маблағгузории ҳокимияти маҳаллӣ беш аз 5 тонна маҳсулоти мумфаршкунӣ, аз ҷумла битум ва шағал захира карда шудаанд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
