Донишгоҳи техникӣ-иқтисодии Берлин барои Тоҷикистон кадрҳои муҳандисӣ ва мутахассисони соҳаи иқтисодӣ омода мекунад
ДУШАНБЕ, 11.04.2017. /АМИТ «Ховар»/. Донишгоҳи техникӣ-иқтисодии Берлин, ки бо зиёда аз 140 донишгоҳ ва институтҳои хориҷӣ ҳамкорӣ менамояд, омода аст бо донишгоҳҳои ҳавасманди Тоҷикистон дар соҳаҳои омодасозии мутахассисон дар бахшҳои энергия, тайёр кардани кадрҳои муҳандисӣ ва мутахассисони соҳаи иқтисод ҳамкорӣ намояд. Ин матлаб дар мулоқоти Сафири Тоҷикистон дар Олмон Маликшо Неъматов бо ноиби президенти Донишгоҳи техникӣ-иқтисодии Берлин профессор Маттҳиас Кнаут баён гардид.
Тавре аз Сафорати Тоҷикистон дар Олмон хабар доданд, дар мулоқот оид ба рушду пешравиҳо дар соҳаи маорифи Тоҷикистон сухан рафта, ба профессор Кнаут маълумоти муфассал ва таклифҳои судманд ҷиҳати ба роҳ мондани ҳамкорӣ, ба монанди табодули донишҷӯёну омӯзгорон пешниҳод гардиданд.
Ёдовар мешавем, ки Донишгоҳи техникӣ-иқтисодии Берлин (HTW Berlin) соли 1994 созмон ёфта, яке аз бузургтарин донишгоҳҳои замини федеролии Берлин ба ҳисоб меравад. Дар он дар 70 самти омӯзишӣ, ба мисли информатика, техника, энергия ва иқтисод зиёда 13355 ҳазор донишҷӯён ба таҳсил фаро гирифта шудаанд.
КОНСТИТУТСИЯ — БАХТНОМАИ МИЛЛАТ ВА ПОЯИ УСТУВОРИ ДАВЛАТДОРИИ МИЛЛӢ. Дар Коллеҷи омори шаҳри Ваҳдат чорабинии сиёсиву фарҳангӣ баргузор гардид
Дар қисми низомии қӯшунҳои сарҳадии Кумитаи давлатии амнияти миллӣ ҳамоиши сиёсӣ-маърифатӣ доир гардид
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ вориди шаҳри Тошканд гардиданд
Имрӯз дар шаҳри Душанбе борон меборад
Пахтакорони пешсафи шаҳри Ҳисор бо Сипоснома ва мошини сабукрав қадрдонӣ гардиданд
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
