Кӯлоб: Озмуни «Навоварӣ ва ихтироъкорӣ тақозои замон аст»
ДУШАНБЕ, 11.04.2017. /АМИТ «Ховар»/. «Навоварӣ ва ихтироъкорӣ тақозои замон аст» — таҳти чунин унвон бо ташаббуси якҷояи Кумитаи иҷроияи Ҳизби Халқии Демократии Тоҷикистон дар шаҳри Кӯлоб дар ташкилоти ибтидоии ҳизбии «Технолог» бо иштироки аъзои ТҶҶ «Созандагони Ватан» озмуни ҳизбӣ доир шуд.
Ҷамъомад бо намоиши лоиҳаҳои ихтирооти донишҷӯёни Донишкадаи технология ва менеҷменти инноватсионӣ дар шаҳри Кӯлоб оғоз гардид. Дар намоиш донишҷӯён ихтирооти худро, аз қабили дастгоҳи ғаллатозакунӣ, намуди нави неругоҳи хурди обии барқӣ, гармхонаи замонавӣ, доруворӣ барои фишорбаландӣ, кам кардани рехтани мӯйи сар ва ғайраҳо пешкаш намуданд.
Озмуни мазкур бо мақсади дарёфт ва ҳавасмандгардонии ихтироъкорон ва навоварон роҳандозӣ шудааст.
Озмун дар арафаи ҷашни 20- солагии Ваҳдати миллӣ натиҷагирӣ шуда, ғолибон ба мукофотҳо сарфароз гардонида мешаванд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
