Кормандони Агентии назорати маводи нашъаовари Тоҷикистон малакаи дониши худро сайқал медиҳанд
ДУШАНБЕ, 12.04.2017 /АМИТ «Ховар»/. Дар Маркази таълимии Агентии назорати маводи нашъаовари назди Президенти Ҷумҳурии Тоҷикистон курсҳои омӯзишӣ оғоз гардиданд, ки то охири моҳи апрел идома меёбанд.
Тавре ба АМИТ «Ховар» аз Маркази матбуоти Агентӣ хабар доданд, дар курсҳои мазкур 32 нафар кормандони ҷавони раёсату шуъбаҳои дастгоҳи марказӣ ва раёсатҳои агентӣ дар вилоятҳои Суғд, Хатлон ва ВМКБ иштирок менамоянд. Курсҳои омӯзишӣ бо дастгирии Намояндагии СММ оид ба маводи нашъаовар ва ҷинояткорӣ дар Ҷумҳурии Тоҷикистон ташкил гардидааст.
Дар рафти омӯзиш устодони таҷрибадори Агентӣ ва Академияи Вазорати корҳои дохилии Ҷумҳурии Тоҷикистон, мураббиёни Раёсати СММ оид ба маводи нашъаовар ва ҷинояткорӣ кормандони ҷавонро доир ба мавзӯъҳои мубориза бар зидди гардиши ғайриқонунии маводи мухаддир, санадҳои меъёрӣ-ҳуқуқӣ, ки фаъолияти агентиро ба танзим медароранд, тартиби гузаштани хизмат дар Агентӣ, фаъолияти оперативӣ-ҷустуҷӯӣ таълим медиҳанд.
Инчунин машғулиятҳои интерактивӣ бо техникаи компютерӣ ва машғулиятҳои амалии сафороӣ гузаронида мешаванд.
Имрӯз дар шаҳри Душанбе ҳаво то 34 дараҷа гарм мешавад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
DEEPFAKE ҲАМЧУН ТАҲДИДИ НАВИ АМНИЯТИ ИТТИЛООТӢ. Назари мутахассис дар ин мавзуъ
«МЕГАФОН ТОҶИКИСТОН»: Ду роҳи ҳал барои истифодабарандагони интернет
