Шикори ғайриқонунии гӯсфанди кӯҳии «Марко-поло» аз ҷониби сокини ноҳияи Мурғоб ошкор гардид
ДУШАНБЕ, 04.04.2017. /АМИТ «Ховар»/. Вазорати корҳои дохилии Ҷумҳурии Тоҷикистон аз дастгир шудани сокини ноҳияи Мурғоб бо гумони шикори гӯсфанди кӯҳии «Марко-поло» хабар медиҳад. Тавре аз ин ниҳод иттилоъ доданд, зимни гузаронидани тадбирҳои фаврӣ-ҷустуҷӯӣ кормандони милитсия марди 33-солаи сокини ноҳияи Мурғобро барои шикори ғайриқонунии ҳайвонҳои нодир дастгир намуданд.
Дар вақти кофтукови шахсӣ аз гумонбаршуда 6 килограмм гӯшти ҳайвони нодир — гӯсфанди кӯҳӣ дарёфт ва мусодира карда шуд. Мувофиқи маълумотномаи шуъбаи ҳифзи муҳити зист, гӯшти мусодирашуда ба гӯшти гӯсфанди кӯҳии «Марко-поло» мансуб буда, зарари расонидашуда 160 ҳазор сомониро ташкил медиҳад.
Ба гуфтаи манбаъ, нисбат ба далели мазкур парвандаи ҷиноятӣ оғоз гардида, тафтишот идома дорад.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
