Таҷлили ҷашни Наврӯз дар Япония
ДУШАНБЕ, 03.04.2017. /АМИТ«Ховар»/. 1 апрели соли 2017 бо ташаббуси Cафорати Ҷумҳурии Тоҷикистон дар Япония бахшида ба ҷашни фархундаи Наврӯзи байналмилалӣ дар боғи фароғатии «Yukari no Mori»-и шаҳри Тсукубаи Япония маҳфили идона бо иштироки ҳамватанони муқими кишвари иқомат баргузор гардид.
Тавре аз Cафорати Ҷумҳурии Тоҷикистон дар Япония хабар доданд, дар маросим собиқ Сафири Япония дар Тоҷикистон, намояндагони Вазорати корҳои хориҷии Япония, Агентии Япония оид ба ҳамкории байналмилалӣ, устодони Донишгоҳи Токио ва Тсукуба, шаҳрвандони фаъоли кишвари иқомат-дӯстони Тоҷикистон, инчунин меҳмонҳо аз кишвари ҳамсоя иштирок намуданд.
Меҳмонони ҷашнвораро Сафири Фавқулода ва Мухтори Ҷумҳурии Тоҷикистон дар Япония Ҳамрохон Зарифӣ ба ифтихори Наврӯзи оламафрӯз самимона табрик гуфта, таъкид намуд, ки Наврӯз дар Тоҷикистон бо шарофати истиқлолияти давлатӣ бо шукӯҳу шаҳомати хеш эҳё гардида, ба яке аз ҷашнҳои бузургу муқаддаси миллии мардуми тоҷик табдил ёфтааст. Арзиш ва аҳамияти таърихии Наврӯзи ҷаҳонафрӯз — ҷашни хайру эҳсон, накӯкориву инсонгароӣ ва созандагиву ободгарӣ низ қайд карда шуд.
Сафири Тоҷикистон ҳамчунин иброз намуд, ки пешниҳоди созандаи Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз ҷониби кишварҳои аъзои Созмони Милали Муттаҳид қабул гардида, қатъномаи махсус дар бораи додани мақоми байналмилалӣ ба Наврӯзи Аҷам эълон гардид. Аз ин рӯ, ҳафт сол инҷониб Наврӯз ҳамчун ҷашни байналмилалӣ дар кишварҳои ҳавзаи тамаддуни Наврӯз бо анъанаҳои неки худ таҷлил карда мешавад.
Дар доираи маросим хаймаи махсуси анъанаҳои мухталифи наврӯзӣ иборат аз рамзҳои Наврӯз, китобҳо, чакандӯзиву кундал ба тамошо гузошта шуд.
Ҳамзамон дар маросими мазкур дастархони ҳафтсину ҳафтшин ва анвои мухталифи таомҳои миллӣ ороста шуд. Ҷашни Наврӯзи байналмилалӣ бо садои мусиқӣ ва рақсҳои миллии тоҷикӣ аз ҷониби ҳунармандони кишвари иқомат бо таваҷҷуҳи хосса қабул гардид.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
