7,5 тонна қаламфури аз Қирғизистон қочоқшуда ошкор гардид

ДУШАНБЕ, 11.05.2017/АМИТ «Ховар»/. Дар шимоли Тоҷикистон зимни  муоинаи гумрукӣ аз дохили нақлиёти боркаши тамғаи «Мерседес-Бенс», ки аз сӯи сокини 26-солаи шаҳри Истаравшан шаҳрванд Б.А.  идора мегардид,  беш аз 7,5 ҳазор килограмм қаламфур ошкор гардид.

Тибқи иттилои дафтари матбуоти Хадамоти гумруки назди Хукумати Ҷумҳурии Тоҷикистон, ин миқдор каламфур бидуни назорати гумрукӣ аз Қирғизистон ба Тоҷикистон интиқол дода шудааст.  Гуфта мешавад, ки 7,5 тонна қаламфур, ки арзиши умумиаш наздик ба 330 ҳазор сомонист,   ба сокини 39-солаи шаҳри Кӯлоб, шаҳрванд А. С., тааллуқ дошта, мавсуф  онро тавассути нақлиёт аз Қирғизистон ба Тоҷикистон бидуни назорати гумрукӣ ворид намудааст.

Аз рӯи ин ҳолат нисбат ба шаҳрванд А. С. бо моддаи 289 қисми 2 — и Кодекси ҷиноятии Ҷумҳурии Тоҷикистон парвандаи ҷиноятӣ  боз карда шуда,  ба Прокуратураи ноҳияи Бобоҷон Ғафуров  ирсол гардидааст.