Аҳтам Абдуллозода: «Тоҷикистон кишвари ҷавонон аст»
ДУШАНБЕ, 05.05.2017. /АМИТ «Ховар»/. Дирӯз дар Театри мусиқӣ-драмавии ба номи Маҳмудҷон Воҳидови ноҳияи Ашт мулоқоти раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Аҳтам Абдуллозода бо ҷавонони ноҳия доир гардид.
Тавре аз Мақомоти иҷроияи ҳокимияти давлатии ноҳия хабар доданд, дар вохӯрӣ раиси ноҳияи Ашт Мирдадо Зариф, сардори Раёсати ҷавонон, варзиш ва сайёҳии вилояти Суғд, Олимҷон Зоҳидзода ва кормандони соҳаҳои гуногуни ноҳия ширкат варзиданд.
Зимни мулоқот Аҳтам Абдуллозода ҳозиринро бо Соли ҷавонон табрик гуфта, иброз дошт, ки «Ҷумҳурии Тоҷикистон кишвари ҷавонон аст. Соли ҷавонон эълон гардидани соли 2017 бо мақсади муттаҳид кардани неруи ҷисмонӣ ва ақлонии насли ҷавон баҳри расидан ба ҳадафҳои олии Ҳукумати кишвар ва барои беҳбудии сатҳи зиндагии сокинони ҷумҳурӣ мебошад».
Аҳтам Абдуллозода дар идома аз коста шудани ахлоқ ва рафтори ба фарҳанги мо номуносиби ҷавонон дар ҷомеа бо изҳори нигаронӣ гуфт, ки мо бояд эҳтироми насли калонсол, аз ҷумла эҳтироми волидонамонро баҷо орем.
Ба иттилои манбаъ, дар мулоқот ба оилаҳое, ки аз офати табиии рӯзҳои охир зарар дидаанд, кумакпулии яквақтаина аз ҷониби Аҳтам Абдуллозода тақдим карда шуд. Ҳамчунин ба ғолибони олимпиадаи хонандагони муассисаҳои таълимӣ низ ифтихорнома ва мукофотпулӣ тақдим гардид.
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
