Рубин Абдуллин : «Арғунун асбоби фарҳангии ҷаҳонӣ аст»
ДУШАНБЕ, 16.05.2017/АМИТ «Ховар»/. 15 майи соли равон Вазири фарҳанги Ҷумҳурии Тоҷикистон Шамсиддин Орумбекзода бо иштирокчиёни аввалин Фестивали байналмилалии «Садои дилрабои арғунун» мулоқот намуд.
Вазири фарҳанги Ҷумҳурии Тоҷикистон Шамсиддин Орумбекзода иброз дошт, ки арғунун бо ташаббуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эҳё гардида, минбаъд ба рушд ва тарбияи мутахассисони ҷавон дар ин соҳа аҳамияти хоса дода мешавад.
Рубин Абдуллин , Ҳунарпешаи халқии Россия ва Тотористон, профессор, ректори Консерваторияи давлатии Қазон ба номи Н. Г. Жиганов зикр намуд, ки ташаббус оид ба баргузории чунин фестивал дар ҳақиқат ҷолиби диққат ва дастгирикунанда аст. «Арғунун асбоби фарҳангии ҷаҳонӣ аст»,-гуфт профессор.
Фестивали байналмилалии мусиқии «Садои дилрабои арғунун» дар пойтахти Ҷумҳурии Тоҷикистон- шаҳри Душанбе бори нахустин аз 15 то 17 майи соли 2017 доир мегардад. Ин як саҳифаи наву дурахшони рушди санъати мусиқии касбии муосири тоҷик буда, барои таъсири мутақобила ва рушди фарҳангҳои мусиқии халқҳои ҷаҳон равона гардидааст. Ташкилкунандагони фестивал Донишкадаи давлатии фарҳанг ва санъати Тоҷикистон ба номи М. Турсунзода ва Намояндагии «Россотрудничество» дар Тоҷикистон ба ҳисоб мераванд.
Дар фестивал арғунуннавозон аз давлатҳои Тоҷикистон, Россия, Беларус, Олмон, Қазоқистон ва Қирғизистон ширкат менамоянд. Дар доираи фестивал гузаронидани дарсҳои маҳорат, суҳбатҳо, нишасти матбуотӣ, ташкили барномаҳои фарҳангӣ ва боздид аз мавзеъҳои таърихӣ ва ёдгориҳои таърихию фарҳангии Ҷумҳурии Тоҷикистон ба нақша гирифта шудааст.
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
Дар Донишгоҳи технологии Тоҷикистон бахшида ба Рӯзи Конститутсия конференсияи илмӣ–адабӣ гузаронида шуд
Бахшида ба Рӯзи Конститутсия дар Палатаи савдо ва саноати Тоҷикистон ҳамоиш доир гардид
Рустами Эмомалӣ аз ҷойҳои таърихию муқаддаси шаҳри бостонии Бухоро боздид намуданд
Бахшида ба Рӯзи Конститутсияи Ҷумҳурии Тоҷикистон дар Маҷлиси намояндагон ҳамоиши идона доир шуд
Дар «Саноатсодиротбонк» бахшида ба Рӯзи Конститутсия ҳамоиши маърифатӣ баргузор гардид
