Дар Консерваторияи миллии Тоҷикистон шоми мақомхонӣ доир шуд
ДУШАНБЕ, 18.05.2017 /АМИТ «Ховар»/. Шоми 17 май дар Консерваторияи миллии Тоҷикистон ба номи Т. Сатторов барномаи консертии шоми мақомхонӣ таҳти унвони «Мақоми наво» манзури ҳаводорони санъати классикӣ гардид. Дар ин бора аз Вазорати фарҳанги Ҷумҳурии Тоҷикистон ба АМИТ «Ховар» хабар доданд.
Силсилаконсертҳои «Мақоми наво» аз ҷониби устодон ва шогирдони факултаи мусиқии суннатии тоҷик аз 15 то 17 майи соли равон ба ифтихори 20-солагии Рӯзи Ваҳдати миллӣ, Соли ҷавонон ва Рӯзи Шашмақом баргузор гардиданд.
Ҳунарпешаи халқии Тоҷикистон, роҳбари Академияи мақоми Тоҷикистон, номзади илмҳои санъатшиносӣ Абдувалӣ Абдурашидов иброз дошт, ки «Мақоми наво» барои рушди минбаъдаи санъати мақомхонӣ, ҷалби ҳарчи бештари ҷавонон ба ин санъати классикии тоҷик ва омӯзиши ҳирфаии он мусоидат мекунад.
Чунин силсилаконсертҳо бахшида ба Рӯзи Шашмақом соли дуюм аст, ки аз ҷониби Консерваторияи миллии Тоҷикистон гузаронида мешаванд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
