Дар Кумитаи ҷавонон, варзиш ва сайёҳӣ лоиҳаи «Кодекси одоби варзишгар ва мураббӣ» таҳия шуд
![](https://khovar.tj/wp-content/uploads/2017/05/Kumitai-avonon-varzish-va-sajyo-Loi-ai-Kodeksi-odobi-varzishgar-va-murabb-ta-iya-shud.jpg)
ДУШАНБЕ, 03.05.2017 /АМИТ «Ховар»/. Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон бо мақсади ба танзим даровардани муносибатҳои фаъолияти варзишӣ, махсусан одобу қоидаҳои варзишгарон лоиҳаи «Кодекси одоби варзишгар ва мураббӣ» ро таҳия намуд.
Тавре аз маркази матбуотии Кумитаи ҷавонон, варзиш ва сайёҳӣ ба АМИТ«Ховар» иттилоъ доданд, Кодекси одоби варзишгар ва мураббӣ дар Ҷумҳурии Тоҷикистон маҷмўи қоидаҳои рафтори варзишгарон ва мураббиён ба ҳисоб рафта, хислати ахлоқии фаъолияти касбии онҳоро таҷассум менамояд ва баҳри дар радифи хислатҳои касбӣ ба низоми муайян танзим кардани рафтори варзишгарон равона мегардад.
«Лоиҳаи «Кодекси одоби варзишгар ва мураббӣ» аз 6 боб иборат буда, он ба муассисаҳои варзишӣ, коршиносон ва мухлисону ҳаводорони варзиш барои муҳокима ва таклиф пешниҳод карда мешавад»,- хабар доданд аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон.