Дар Тоҷикистон дар як шабонарӯз се заминларза ба қайд гирифта шуд

ДУШАНБЕ, 04.05.2017/АМИТ «Ховар»/. Имшаб соати 01:03 дар қаламрави Ҷумҳурии Тоҷикистон заминларзаи навбатӣ ба амал омад.
Тибқи маълумоти Пажӯҳишгоҳи сейсмологии кишвар, маркази заминларза дар километри 263-и самти шимолу шарқ аз шаҳри Душанбе, дар километри 30-юм аз ноҳияи Лахш ҷойгир буда, қувваи он дар марказаш 5 балл, ноҳияи Лахш 4 балл ва шаҳри Душанбе 2 баллро ташкил дод.
Ба иттилои Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, то ҳол талафоти ҷонӣ ба қайд гирифта нашудааст.
Ҳамчунин Кумитаи ҳолатҳои фавқулода ва мудофиаи гражданӣ хабар дод, ки дирӯз соати 01:15 дар ҷамоати деҳоти Оббурдони ноҳияи Мастчоҳи Кӯҳӣ дар натиҷаи вазидани шамоли сахт дарахтон ва қисман болопӯши як хонаи истиқоматии деҳаи Рунҷ зарар диданд.