Дар вилояти Хатлон беш аз 700 ҳазор нафар кӯдакон эм карда мешаванд

ДУШАНБЕ, 24.05.2017. /АМИТ «Ховар»/.    Дар  «Рӯзҳои миллии иммунизатсияи иловагӣ бар  зидди бемории сурхча ва гулафшон», ки  аз 15 то 26 май идома меёбанд,   дар   вилояти Хатлон   759 ҳазору  949 нафар кӯдакони аз 1 то 9- сола бояд эм карда шаванд.

Тавре аз хадамоти мутбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, бо мақсади дар сатҳи баланд гузаронидани «Рӯзҳои миллии иммунизатсияи иловагӣ бар зидди бемории сурхча ва гулафшон дар Ҷумҳурии Тоҷикистон»  тибқи дастури Вазорати тандурустӣ ва ҳифзи иҷтимоии аҳолӣ Раёсати тандурустии вилояти Хатлон   маводи эмгузаронӣ, 3 намуд банер, зиёда аз 6 намуд дастурамалҳои методӣ ва доруқуттиҳои тиббӣ дастрас намуд.

Дар айни замон дар дар минтақаи Қӯрғонтеппа   477 ҳазору  346 ва  дар минтақаи Кӯлоб  282 ҳазору  603 кӯдак  эм карда шудаанд.  Бино ба иттилои манбаъ, дар давоми 4 рӯзи аввал аллакай   519 ҳазору  830  нафар кӯдакон ба эмгузаронӣ фаро гирифта шуданд, ки ин 68,4%-ро ташкил менамояд.

Инчунин 1 409 нафар меҳмони берун аз вилоят ва 53 нафар кӯдаки берун аз ҳудуди ҷумҳурӣ низ бар зидди бемориҳои сурхча ва гулафшон эм карда шуданд.