Маъракаи даъвати шаҳрвандон ба хизмати ҳарбӣ дар ҳоли анҷомёбист
![](https://khovar.tj/wp-content/uploads/2017/04/Davati-ba-ori-dar-Temurmalik.jpg)
ДУШАНБЕ, 10.05.2017 /АМИТ «Ховар»/. Дар давоми беш аз як моҳи ҷараёни маъракаи даъвати навбатии шаҳрвандон ба хизмати ҳарбӣ ҷавонон ихтиёран ба сафи Қувваҳои мусаллаҳи Ҷумҳурии Тоҷикистон мепайванданд. То имрӯз дар қаламрави вилояти Хатлон ин маърака 87 дарсад иҷро шудааст. Дар ин бора аз Мақомоти иҷроияи ҳокимияти давлатии вилояти Хатлон хабар доданд.
Тавре аз Комиссариати ҳарбии вилоят иттилоъ доданд, то имрӯз аз 25 шаҳру ноҳияҳои вилоят маъракаи пешбинишударо шаҳри Кӯлоб ва ноҳияҳои Н. Хусрав, Ш. Шоҳин, Балҷувон ва Муъминобод пурра ба анҷом расониданд.
Ҳамчунин зикр гардид, ки масъулини шаҳру ноҳияҳои боқимонда низ кӯшиш доранд ин маъракаро рӯзҳои наздик ба анҷом расонанд.